ប្រធានាធិបតីអាមេរិច ដូណាល់ ត្រាំ កាលពីថ្ងៃព្រហស្បតិ៍ម្សិលមិញនេះ បានសម្តែងក្តីសង្ឃឹមថា អាមេរិចនឹងមិនឈានទៅរកសង្គ្រាមជាមួយនឹងអ៊ីរ៉ងនោះទេ។
នៅពេលអ្នកពត៌មានសួរថា តើអាមេរិចកំពុងឆ្ពោះទៅកាន់សង្គ្រាមជាមួយអ៊ីរ៉ងទេ? លោកត្រាំ បានឆ្លើយតបវិញថា “សង្ឃឹមថាអត់ចុះ”។
សូមបញ្ជាក់ថា បច្ចុប្បន្នភាពតានតឹងរវាងអាមេរិច និងអ៊ីរ៉ងកំពុងស្ថិតក្នុងចំណុចក្តៅខ្លាំង ដែលអាចកើតមានសង្គ្រាមគ្រប់ពេលវេលា បើភាគីទាំងសងខាងមិនធ្វើការអត់ធ្មត់។
កាលពីដើមសប្តាហ៍នេះ សហរដ្ឋអាមេរិចបានបញ្ជាឲ្យបុគ្គលិកការទូតរបស់ខ្លួនប្រចាំនៅទីក្រុងបាដាដ ប្រទេសអ៊ីរ៉ងឲ្យចាកចេញ ក្រោយពេលមានការវាយប្រហារជាច្រើនទៅលើនាវាដឹកប្រេងនៅឈូងសមុទ្រពែក្ស។
បច្ចុប្បន្ន នាវាផ្ទុកយន្តហោះ យន្តហោះទម្លាក់គ្រាប់បែកដ៏មានឥទ្ធិពល និងគ្រឿងសព្វាវុធផ្សេងៗទៀតរបស់អាមេរិចកំពុងស្ថិតនៅឈូងសមុទ្រ នៃបជ្ឍិមបូព៌ាដើម្បធ្វើការព្រមានដល់អ៊ីរ៉ង៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
