ហាងតែគុជមួយដ៏មានប្រជាប្រិយភាពនៅឯ ហ្វីលីពីន បានយកព្រះកេសាព្រះពុទ្ធទៅធ្វើជាឡូហ្គូ ដោយកែវពិសេសគឺមានរូបព្រះកេសាព្រះពុទ្ធបញ្ច្រាស់ចុះក្រោម ដោយមានគុជនៅបាតកែវមើលទៅដូចជាដុំសក់របស់ព្រះ។
ក្នុងរូបខាងលើនេះជាការរៀបរាប់ផ្សព្វផ្សាយរបស់ហាងផ្ទាល់ ដោយមានអត្ថន័យថា ៖ «តើអត្ថន័យរបស់ពាក្យ BOBAISM បានន័យថាដូចម្ដេច?!»
Bobaism គឺមកពីពាក្យ Boba ដែលមានន័យថាគុជ ហើយ Buddha និង Moo គឺជាតួថ្លុកសំខាន់របស់ Bobaism។ ដោយមាន Moo តំណាងអោយភាពស្រស់ថ្មីរបស់ទឹកដោះគោ ចំណែកឯ Buddha តំណាងអោយការស្រស់ស្រាយនូវគ្រប់ពេលដែលអ្នកបានផឹក។ ជាប់ចិត្តនិងត្រឡប់មកផឹកលើកក្រោយទៀតជាមិនខាន ព្រោះថា “In Boba, we believe” (នៃ Boba, យើងជឿជាក់)។
បើមកមើលពីសន្លឹករាយមុខគ្រឿងផឹក និងកាតសម្រាប់បោះត្រាយកពុងវិញ ក៏ជារូបព្រះកេសដែរ។
ពិសេសខ្លាំងគឺថ្ងៃសម្ភោធគេបានយក ម៉ាសស្កុត Moo និង Buddha មករាំបើកឆាកហៅភ្ញៀវនៅខាងមុខហាងទៀតផង។
ហេតុអ្វីក៏តែងតែឃើញការបំពាន ប្រមាថជារឿយៗទៅលើសាសនា ជាពិសេសគឺមានអ្នកគិតថា ព្រះកេសរបស់ព្រះពុទ្ធគឺជារបស់លំអរផ្ទះ មិនមែនជារបស់សក្ការៈ តើនេះមកពីការមានព្រះកេសព្រះពុទ្ធលក់នៅតាមកន្លែងនានា ដែលធ្វើអោយបរទេសមានការយល់ច្រឡំ ឬយ៉ាងណា?!
តែទោះជាយ៉ាងណាអ្នកដែលមានការពិចារណា គួរតែមានការយល់ដឹងដូចគ្នាថា មិនថាសាសនាណាក៏ដោយក៏យើងមិនត្រូវបំពាន ទោះជានោះមិនមែនជាសាសនាយើង ឬជាសាសនាជាតិយើង ក៏មិនត្រូវប្រមាថ បំពាន មិនថាក្នុងលក្ខខណ្ឌអ្វី ។ តើអ្នកបង្កើត Bobaism គាត់មានកម្រិតចេះដឹងក្នុងកម្រិតណាដែរទៅ?!
ហើយចុះអ្នកដែលមកទិញពេលឃើញដូច្នេះ គាត់មិនឆ្ងល់ទេអី?! ឬពួកគាត់មិនខ្វល់ សំខាន់អោយតែបានប្លែក?!
ពិសេសមួយទៀតគឺមានកែវដែលអាចគូររូបបំពេញមុខមាត់អោយរូបព្រះបានទៀត។
សរុបសេចក្ដីមកគឺមិនដឹងថា ត្រូវស្រែកអង្វរទៅខាងណាអោយជួយមើលរឿងឆ្គាំឆ្គងទាំងនេះ?!
រំខានព្រះពេកហើយសត្វលោកទាំងឡាយ៕ ក្ខិណី