សម្តេចអគ្គមហាពញាចក្រី ហេង សំរិន ថ្លែងពីសំខាន់នៃការ កសាងសមត្ថភាពរបស់មន្ត្រីរាជការតាមរយៈការបណ្តុះបណ្តាលនៅសាលាភូមិន្ទរដ្ឋបាលជាដើម ដែលជា កត្តាគន្លិះ និងជាបុរេលក្ខ្ខណ្ឌសម្រាប់ការអភិវឌ្ឍន៍ប្រទេសជាតិ។
នៅវេលាម៉ោង១០ព្រឹក ថ្ងៃអង្គារ៍ ទី២៦ ខែធ្នូ ឆ្នាំ២០១៧នេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជាបានអនុញ្ញាតិអោយឲ្យមន្ត្រីក្រមការនៃសាលាភូមិន្ទរដ្ឋបាល និងថ្នាក់ដឹកនាំកម្ម សិក្សាការី មន្ត្រីជាន់ខ្ពស់ នៃសាលាភូមិន្ទរដ្ឋបាលចំនួន៣០នាក់ដែលដឹកនាំដោយលោក យក់ ប៊ុនណា រដ្ឋលេខាធិការក្រសួងមុខងារសាធារណៈនិងជានាយសាលាភូមិន្ទរដ្ឋបាលចូលជួបសម្តែង ការគួរសម និងស្វែងយល់អំពីរចនាសម្ព័ន្ធដឹកនាំនៅរដ្ឋសភាជាតិដើម្បីទទួលបាននូវចំណេះ ដឹងពីការដឹកនាំមុខងាររបស់ស្ថាប័នរដ្ឋសភាជាតិនៃព្រះរាជាណាចក្រកម្ពុជា ។
សម្តេចអគ្គមហាពញាចក្រី ហេង សំរិន មានប្រសាសន៍បញ្ជាក់ជូនកម្មសិក្សាការីសាលាភូមិន្ទរដ្ឋបាលអំពីដំណើរការរបស់ស្ថាប័នរដ្ឋសភា ព្រមទាំងបានគូសបញ្ជាក់អំពីសារៈ សំខាន់នៃការ កសាងសមត្ថភាពរបស់មន្ត្រីរាជការតាមរយៈការបណ្តុះបណ្តាលនៅសាលាភូមិន្ទរដ្ឋបាលជាដើម ដែលជា កត្តាគន្លិះ និងជាបុរេលក្ខ្ខណ្ឌសម្រាប់ការអភិវឌ្ឍន៍ប្រទេស ជាតិ។
សម្តេចអគ្គមហាពញាចក្រី ហេង សំរិន ក៏បានលើកឡើងផងដែរអំពីសន្តិភាពដោយបានបញ្ជាក់ថា កម្ពុជា មានសុខសន្តិភាពប្រហែលត្រឹមរយៈពេល ១៩ឆ្នាំប៉ុណ្ណោះរហូតមក ដល់បច្ចុប្បន្ននេះគឺបន្ទាប់ពី រាជរដ្ឋាភិបាលបានដាក់ចេញនូវគោលនយោបាយឈ្នះឈ្នះ ធ្វើអោយយើងមានឱកាសក្នុង ការអភិវឌ្ឍន៍ប្រទេសជាតិដែលយើងកំពុងទទួលបាននូវសមិទ្ធផលជាច្រើនទាំងនៅក្នុងទីក្រុង ទាំងនៅតាមជនបទ។
សម្តេចប្រធានរដ្ឋសភាបានសង្កត់ធ្ងន់ និងអោយចងចាំថា ការធ្វើអោយ មានសង្គ្រាមគឺវាងាយស្រួល ប៉ុន្តែការបញ្ចប់សង្គ្រាមគឺជាការលំបាក៕ ដោយ៖បញ្ញាស័ក្តិ
