កោះកុង ៖ ស្នងការនគរបាលខេត្តកោះកុងបានឲ្យដឹងថា នៅថ្ងៃទី ១៩ ខែ ឧសភា ឆ្នាំ ២០១៩ វេលាម៉ោង ០៩ និង ១៥ នាទីព្រឹក មានករណីគ្រោះថ្នាក់ចរាចរណ៏កើតឡើង បង្ករដោយេរថយន្តក្រឡាប់ដោយខ្លួនឯង នៅចំនុចចន្លោះគីឡូម៉ែត្រលេខ ១០១ – ១០២ ស្ថិតក្នុងភូមិដីទំនាប ឃុំត្រពាំងរូង ស្រុកកោះកុង បណ្តាលអោយស្លាប់ ១ នាក់ ភេទប្រុស ជនជាតិចិន ។
រថយន្តសើប ពណ៌ទឹកប្រាក់ ពាក់ស្លាកលេខ ភ្នំពេញ 2G-8704 បើកបរឈ្មោះ ឆុង ឈីង ភេទប្រុស អាយុ ៥៨ឆ្នាំ ជនជាតិ ចិនហុងកុង កាន់លិខិតឆ្លងដែនលេខ KJ 0237658 ស្លាប់នៅនឹងកន្លែងកើតហេតុ និងរួមដំណើរឈ្មោះ សាលី ឈុង ភេទស្រី អាយុ ៥៥ ឆ្នាំ ជនជាតិ ថៃ ត្រូវជាភរិយា រងរបួសស្រាល ។
ករណីនេះ កម្លាំងសមត្ថកិច្ចបានធ្វើកំណត់ហេតុ ប្រគល់សាកសព ជូនភរិយាសព យកទៅភ្នំពេញរក្សាទុកនៅស្ថានទូតចិន ៕ ដោយ ៖ កូឡាប