ប្រធានាធិបតីអាមេរិចបានចេញសារព្រមានទៅកាន់ប្រទេសអ៊ីរ៉ង ដោយបញ្ជាក់ថា អ៊ីរ៉ងនឹងត្រូវចប់ប្រសិនជាមានសង្គ្រាមកើតឡើងរវាងប្រទេសទាំងពីរមែន។
“ប្រសិនជាអ៊ីរ៉ងចង់ប្រយុទ្ធ វានឹងក្លាយជាទីបញ្ចប់របស់អ៊ីរ៉ងតែម្តង។ មិនត្រូវធ្វើការគំរាមអាមេរិចម្តងទៀតឡើយ”។ នេះជាការបញ្ជាក់របស់លោក ត្រាំ នៅក្នុងបណ្តាញសង្គម Twitter របស់លោក។
ការព្រមានរបស់លោកត្រាំ បានកើតឡើង ខណៈពេលស្ថានការណ៍រវាងប្រទេសទាំងពីរកំពុងស្ថិតក្នុងភាពក្តៅខ្លាំង។
កាលពីពេលប៉ុន្មានថ្ងៃមុននេះ អាមេរិចបានបញ្ជូលនាវា និងយន្តហោះចំបាំងជាច្រើនគ្រឿងបន្ថែមទៀត ទៅកាន់ឈូងសមុទ្រពែក្សដើម្បីដាក់សម្ពាធ ក៏ដូចជាប្រុងជើងព្រួលទៅនឹងការគំរាមកំហែងរបស់អ៊ីរ៉ង។
ទោះយ៉ាងណា ក្នុងពេលប៉ុន្មានថ្ងៃនេះ លោក ត្រាំហាក់បន្ទន់ជំហររបស់លោកដោយមិនចង់មានសង្គ្រាមជាមួយនឹងអ៊ីរ៉ងនោះទេ។
លោកដូណាល់ ត្រាំ បានថ្លែងប្រាប់ជំនួយការរបស់លោកថា លោកមិនចង់អោយអាមេរិចដាក់សម្ពាធលើអ៊ីរ៉ងដើម្បីបង្កើតជម្លោះនោះទេ។
នៅពេលសួរដោយអ្នកសារពត៌មានថា តើអាមេរិចចង់មានសង្គ្រាមជាមួយអ៊ីរ៉ងទេ លោក ត្រាំបានឆ្លើយថា “ខ្ញុំសង្ឃឹមថានឹងមិនមាន”៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
