ប្រទេសឥណ្ឌា នឹងយកឈ្នះចក្រភពអង់គ្លេស និងបារាំងដើម្បីក្លាយជាមហាអំណាចសេដ្ឋកិច្ចធំបំផុតទី ៥ក្នុងពិភពលោក នៅក្នុងឆ្នាំ ២០១៨ខាងមុខ។ នេះបើតាមការព្យាករណ៏របស់មជ្ឍមណ្ឌលដើម្បីការស្រាវជ្រាវផ្នែកសេដ្ឋកិច្ច និងជំនួញ ដែលមានមូលដ្ឋាននៅទីក្រុងឡុង ថ្លែងនៅក្នុងការចាត់ចំណាត់ថ្នាក់សេដ្ឋកិច្ចប្រចាំឆ្នាំ។
សព្វថ្ងៃ សេដ្ឋកិច្ចរបស់ប្រទេសឥណ្ឌាស្ថិតនៅចំណាត់ថ្នាក់ទី ៧ ហើយចំណាត់ថ្នាក់របស់ប្រទេសនេះនឹងឡើងទៅកាន់លេខ ៥នៅក្នុងឆ្នាំ ២០១៨។
របាយការណ៏បញ្ជាក់ថា ទោះបីសេដ្ឋកិច្ចឥណ្ឌមានការធ្លាក់ចុះតិចតួចក្តីក្នុងត្រីមាសដំបូងក្នុងឆ្នាំនេះ សេដ្ឋកិច្ចរបស់ប្រទេសនេះនៅតែអាចយកឈ្នះសេដ្ឋកិច្ចរបស់ប្រទេសបារាំង និងចក្រភពអង់គ្លេសបានដែរ ហើយនៅក្នុងឆ្នាំ ២០១៨វានឹងតាមទាន់ប្រទេសតាំងពីរនេះ ដើម្បីក្លាយជាមហាអំណាចសេដ្ឋកិច្ចទី ៥របស់ពិភពលោក។
តម្លៃថាមពលថោក និងបដិវត្តន៏ប្រព័ន្ធឌីជីថល នឹងជួយជំរុញកំណើនសេដ្ឋកិច្ចជាសកល។ កំណើនសេដ្ឋកិច្ចពិភពលោកនឹងលុបលើដោយប្រទេសក្នុងតំបន់អាស៊ាន រួមមានចិន ជប៉ុន និងឥណ្ឌា។
បច្ចុប្បន្ន សហរដ្ឋអាមេរិចគឺជាប្រទេសមានសេដ្ឋកិច្ចធំបំផុតក្នុងពិភពលោក ប៉ុន្តែរបាយការណ៏បានធ្វើការព្យាករណ៏ថា ប្រទេសចិននឹងដណ្តើមតំណែងជាមហាអំណាចសេដ្ឋកិច្ចទី ១របស់អាមេរិចនៅក្នុងឆ្នាំ ២០៣០៕ សុភ័ក្ត្រ
