ភ្នំពេញ៖ លោកពេជ្រស្រស់ប្រធានគណបក្សយុវជនកម្ពុជាមានជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ ឈប់ថ្ងៃទី ២០ ខែបានសរសេរលើ facebook ថា ” ខ្ញុំទុកពេលឲ្យបុរសម្នាក់នេះ ៣ ថ្ងៃកែតម្រូវការ និយាយនិងសាររបស់ខ្លួន ដោយហេតុថាបុរសម្នាក់នេះបាននិយាយប៉ះពាល់ដល់សេចក្តីថ្លៃថ្នូររបស់កងកម្លាំងសមត្ថកិច្ច ពីព្រោះការថតរឿងអប់រំនេះមិនមែននឹកឃើញថតស្វែងរកប្រាក់ចំណេញនោះទេ ហើយកងកម្លាំងចូលរួមសម្តែងគឺមានបទបញ្ជាត្រឹមត្រូវពីនាយឧត្តមសេនីយ៍ នេត សាវឿន អគ្គស្នងការនគរបាលជាតិ ដោយមានការស្នើសុំពីរូបខ្ញុំជាអ្នកដឹកនាំសម្តែងផ្ទាល់។ បើសិនជាបុរសម្នាក់នេះមិនធ្វើការកែតម្រូវនោះទេគឺនឹងត្រូវប្រឈមចំពោះមុខច្បាប់ ពីបទប្រមាថកងកម្លាំងមានសមត្ថកិច្ច។ ថ្ងៃផុតកំណត់គឺនៅថ្ងៃទី ២៣ ឧសភា
ឆ្នាំ ២០១៩ វេលាម៉ោង ១០ យប់….”។
លោកបានបន្តថា បានបើសិនជាក្រឡេកទៅក្រោយបន្តិច គឺថាអាចារ្យធំត្រូវបានបងប្អូនមួយចំនួនថ្កោលទោស និងស្អប់ខ្ពើមយ៉ាងខ្លាំងដោយឃើញនូវសកម្មភាពអសីលធម៌របស់គាត់ ក៏ប៉ុន្តែបើយើងយកបេះដូង
មកមើលគាត់ច្បាស់ណាស់អស់លោកអ្នកនឹងអាណិតគាត់ជាពន់ពេក ព្រោះថាអាចារ្យធំបានលះបង់នូវភាពថ្លៃថ្នូររបស់ខ្លួន ដើម្បីចូលរួមថែរក្សាវប្បធម៌ខ្មែរនិងអប់រំយុវជនខ្មែរកុំឲ្យទៅប្រើនូវគ្រឿងញៀននាំឲ្យខូចអនាគត ដោយហេតុគ្រឿងញៀនបំផ្លាញជីវិតមនុស្សស្ទើតែទាំងស្រុង រឿងមួយទៀតដែលអាចារ្យធំចិត្តសឿងនោះ គឺទោះបីជាដឹងថាឈុតក្នុងសាច់រឿងខ្លះមើលទៅមានសភាពអសីលធម៌ ដែលផ្ទុយនឹងឆន្ទៈរបស់ខ្លួនក៏ដោយ ក៏អាចារ្យធំនៅតែថតរឿងអប់រំនេះដដែលពីព្រោះថារឿងនេះគឺជារឿងអប់រំដល់យុវជនខ្មែរ
យើង កុំឲ្យលង់ប្រើគ្រឿងញៀននាំឲ្យវិនាសដល់អនាគតយុវជនខ្មែរយើង។ ជាចុងក្រោយ ខ្ញុំសូមអរគុណដល់តួរ
សម្តែងទាំងអស់ ដែលបានស្ម័គ្រចិត្តចូលរួមសម្តែងរឿងអប់រំនេះ ហើយជាពិសេស គឺ ខ្ញុំសូមអរគុណដល់លោក
ចាងហ្វាង សាន ប៊ុនធឿន អាចារ្យធំ និងបង ៗ សមត្ថកិច្ច ដែលបានរួមគ្នា ផលិតខ្សែ វីឌីអូ អប់រំនេះបានយ៉ាងល្អទុកជាប្រយោជន៍សង្គមជាតិខ្មែរយើង។
សូមបញ្ជាក់ថានៅលើផេកហ្វេសប៊ុកលោកម៉ៃសុគន្ធដែលជាតារាចម្រៀងម្នាក់ ហើយក៏ជាអ្នកដែលពូកែខាងរិះគន់លើបណ្ដាញសង្គមផងដែរនោះ បានសរសេរវាយប្រហារក៏ដូចជាសុំការបំភ្លឺពីលោកពេជ្រស្រស់ូ និងតន្ត្រីខេត្តសៀមរាប ទាក់ទងនឹងការថតវីដេអូ ទាក់ទងនឹងការអប់រំ និយាយក្មេងទំនើង ក៏ដូចជាការប្រើប្រាស់គ្រឿងញៀន ដោយលោកម៉ៃសុគន្ធបញ្ជាក់ថា “សុំការបំភ្លឺពីមន្ត្រីខេត្តសៀមរាបថាតើគាត់រាល់ថ្ងៃទំនេរពេកមែនដែលត្រូវតែទៅធ្វើត្លុក កំប្លែងបែបនេះ”។
ទោះយ៉ាងណាទាក់ទងនឹងការថតវីដេអូអប់រំរបស់លោកពេជ្រស្រស់ ដែលរួមមានលោកសាន្ត ប៊ុនធឿន ដែលជាប្រធានចាងហ្វាងកាសែតមួយ លោកអាចារ្យធំដែលជាអ្នកអភិរក្សសិល្បៈបែបបុរាណ លោកពេជ្រស្រស់ដែលជាអ្នកដឹកនាំរឿង រួមជាមួយអ្នកសម្ដែងជាច្រើនផងដែរ ដែលមានចូលរួមពីកងកម្លាំងនគរបាលជាតិប្រចាំនៅខេត្តសៀមរាប។ បើទោះបី ជាវីដេអូនេះត្រូវបានលោកពេជ្រស្រស់ អះអាងថាជាការអប់រំទាក់ទងនឹងក្មេងទំនើងប្រើប្រាស់គ្រឿងញៀនក៏ដោយ ក៏មហាជនមួយចំនួនដែលមិនស្របនឹងគំនិតរបស់លោកពេជ្រស្រស់ បានសរសេររិះគន់លើបណ្តាញ សង្គម facebook ផងដែរ។
លោកម៉ៃសុគន្ធបានសរសេរលើហ្វេសប៊ុកថា ពិនិត្យតាមការគួរ សកម្មភាពខុសថ្ងៃគ្នា តែទីតាំងតែមួយ
បង្កើតវីដេអូថ្មី ដើម្បីលុបដានរឿងចាស់គឺ អាហារលើតុ ខុសគ្នា មួយមានគ្រឿងក្លែម មួយទៀតមានតែបៀរសុទ្ធ ។ មួយមានខ្សែដៃ តែក្រោយមកបាត់ខ្សែដៃ ។ មួយមានក្រដាសជូតមាត់ តែមួយទៀតមានបារីទៅវិញ ។ បាត់អ្នកចាក់ចំរៀងមួយទៀត ហាហហាហា ជឿអត់បងប្អូន ។
ទោះយ៉ាងណានៅយប់ថ្ងៃទី ២០ ខែឧសភា បន្ទាប់ពីការព្រមានរបស់លោកពេជ្រ ស្រស់មកនោះ លោកម៉ៃសុគន្ធបានសរសេរសារសុំទោសដោយមានខ្លឹមសារថា “ខ្ញុំបាទសុំអធ្យាស្រ័យទៅលើបងៗកងកម្លាំងសមត្ថកិច្ច ទាំង ដែលថ្ងៃមុនខ្ញុំបានធ្វើការរិះគន់ ដោយមិនបានដឹងថាការរិះគន់នោះធ្វើអោយប៉ះពាល់ដល់កងកម្លាំងមានសមត្ថកិច្ចនោះទេ !!
ជាពិសេសក៏បានអគុណលើបង ពេជ្រ ស្រស់ផងដែរ ដែលបានណែនាំ និងអនុគ្រោះដល់រូបប្អូន !!
ដូច្នេះសូមបងៗសមត្ថកិច្ចមេត្តាអធ្យាស្រ័យដោយការគោរពពីរូបខ្ញុំបាទ ម៉ៃ សុគន្ធ !!”៕ ដោយ៖កូឡាប