ប្រធានាធិបតីឥណ្ឌូនេស៊ី លោក Joko Widodo បានឈ្នះការបោះឆ្នោតមួយអាណិត្តទៀត។ នេះបើយោងតាមលទ្ធផលបោះឆ្នោតផ្លូវការនៅថ្ងៃអង្គារនេះ។
គណៈកម្មាការបោះឆ្នោតឥណ្ឌូនេស៊ីត្រូវគេរំពឹងថានឹងធ្វើការប្រកាសលទ្ធផលបោះឆ្នោតជាផ្លូវការនៅថ្ងៃទី ២២ ខែឧសភានេះ ប៉ុន្តែបែរជាប្រកាសមុនការគ្រោងទុកមួយថ្ងៃ ក្រោយពេលមានការព្រួយបារម្ភថាអាចនឹងមានការចលាចល និងការតវ៉ាតាមដងផ្លូវ ប្រឆាំងទៅនឹងលទ្ធផល ។
គូបដិបក្សរបស់លោក Joko Widodo បានធ្វើការចោទប្រកាន់ថាការបោះឆ្នោតដែលបានធ្វើឡើងនៅថ្ងៃទី ១៤ ខែមេសាកន្លងទៅមានការលួចបន្លំយ៉ាងច្រើន។
លោក Joko Widodo ឈ្នះការបោះឆ្នោតដោយទទួលបានសម្លេងគាំទ្រចំនួន ៥៥,៥ភាគរយ។
សូមបញ្ជាក់ថា ក្នុងការបោះឆ្នោតកន្លងទៅ មានប្រជាជនចំនួន ១៥៤លាននាក់បានចូលរួម ហើយក្នុងចំណោមអ្នកបោះឆ្នោតទាំងអស់ មាន ៨៥,៦លាននាក់បានបោះឆ្នោតគាំទ្រលោក Joko Widodo។ ប្រទេសឥណ្ឌូនេស៊ីបច្ចុប្បន្នមានប្រជាជនសរុបទាំងអស់ចំនួន ២៦០លាននាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
