ភ្នំពេញ ៖ ការិយាល័យឧត្តមស្នងការទទួលបន្ទុកសិទ្ធិមនុស្សប្រចាំកម្ពុជា (UNHR) កំពុងតាមដានដោយកង្វល់អំពីស្ថានភាពរបស់អតីតមន្ត្រីគណបក្សសង្គ្រោះជាតិដែលត្រូវបានកោះហៅ ឬឃុំខ្លួនដោយមន្ត្រីនគរបាល ឬតុលាការ ។
ការិយាល័យឧត្តមស្នងការទទួលបន្ទុកសិទ្ធិមនុស្សប្រចាំកម្ពុជា បានផ្សាយលើផេកហ្វេសប៊ុកនៅថ្ងៃទី២១ឧសភានេះថា ក្នុងនាមជាអ្នករាយការណ៍ ពិសេសលោកស្រី រ៉ូណា ស្មីត បានមានប្រសាសន៍ក្នុងអំឡុងពេលបេសកកម្ម របស់លោកស្រីនាពេលថ្មីៗនេះថា “មានតម្រូវការផ្លាស់ប្តូរវប្បធម៌នយោបាយ តែមួយដែលផ្តោតទៅលើបញ្ហាជាជាងផ្តោតលើបុគ្គល។ ករណីនេះរួមជាមួយនឹង ការការពារដោយច្បាប់នៃសេរីភាពបញ្ចេញមតិ អាចជួយឲ្យមានភាពជោគជ័យ លើបញ្ហាប្រឈមនានានៃស្ថានភាពនយោបាយបច្ចុប្បន្នសម្រាប់ផលប្រយោជន៍ ដល់ប្រជាពលរដ្ឋកម្ពុជាទាំងមូល”៕ ដោយ៖កូឡាប