បាត់ដំបង ៖ មន្ត្រីយោធាម្នាក់មានជំងឺប្រចាំកាយ បានរត់ចូលឃ្លាំងដាក់អាវុធនៅកងពលតូចលេខ ៥៣ យកអាវុធអាការ ៤៧ មក បាញ់ក្បាលខ្លួនឯងស្លាប់ក្នុងថ្លុកឈាម។
ការធ្វើអត្តឃាតនេះ បានកើតឡើងនៅវេលាម៉ោង១ រសៀល ថ្ងៃទី ២០ ខែឧសភា ឆ្នាំ២០១៩ នៅចំណុច ក្នុងកងពលតូចលេខ ៥៣ ស្ថិតក្នុងភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង។
សមត្ថកិច្ចបានឲ្យ ដឹងថា នៅមុនពេលកើតហេតុ គឺមានមន្ត្រីយោធាឈ្មោះ ធិ ប ខុម បានចាក់សោទ្វារឃ្លាំងដាក់អាវុធ Ak ដើម្បី បោសសម្អាត ដែលការបោសសម្អាតឃ្លាំងនេះ គឺមានតែម្នាក់ឯងប៉ុណ្ណោះ ហើយក៏បានយកសំរាមទៅចោល ខណៈនោះក៏មានមន្ត្រី យោធាឈ្មោះ ឡុច បញ្ញា បានរត់ចូលក្នុង ឃ្លាំងអាវុធ ហើយទាញទ្វារឃ្លាំងបិទចាក់សោ ព្រមទាំងបានយកកាំភ្លើង AK ៤៧ បាញ់ក្បាលខ្លួនឯងដើម្បីសម្លាប់ខ្លួនតែម្តង ដោយមូលហេតុ គឺជនរងគ្រោះមានជំងឺសរសៃប្រសាទប្រចាំកាយ ៕ ដោយ៖កូឡាប