តាមប្រភពព័ត៌មាន Reuter ដែលដកស្រងព័ត៌មានពីគេហទំព័ររដ្ឋសភាចិនឲ្យដឹងថា គោលដៅនៃការត្រួតត្រាទ្រង់ទ្រាយទីក្រុងគឺជាផ្នែកមួយក្នុងផែនការមេរបស់ក្រុងសៀងហៃ សម្រាប់រយៈពេល២ឆ្នាំ ២០១៧-២០៣៥ ផែនការនោះត្រូវបានរដ្ឋាភិបាលចិនអនុម័ត។
“រហូតដល់ឆ្នាំ ២០៣៥ ប្រជាពលរដ្ឋនៅក្រុងសៀងហៃនឹងត្រូវគ្រប់ឲ្យនៅក្នុងកំរិត ២៥លាននាក់ ហើយបរិមាណផ្ទៃដីសរុបសម្រាប់ការសាងសង់ និងពុំឲ្យលើស ៣២០០គីឡូម៉ែត្រការ៉េ”។
ប្រព័ន្ធផ្សព្វផ្សាយតម្លៃថា “ជំងឺទីក្រុងធំ” គឺជាបញ្ហានាំឲ្យមានការបំពុលបរិស្ថាន ស្ទះចរាចរណ៍ និងពុំមានសេវាសាធារណៈគ្រប់គ្រាន់ ពិសេសគឺសុខាភិបាល និងអប់រំ។
ទីក្រុងធំៗជាច្រើនរបស់ចិន ក៏កំពុងប្រឈមមុខនឹងតម្លៃផ្ទះកើនឡើងខ្ពស់ នាំឲ្យមានកង្វល់ភ័យខ្លាច កើតឡើងករណី “ប៉េងប៉ោងអចលនទ្រព្យ” ។
សៀងហៃ ស្ថិតនៅឆ្នេរសមុទ្រប៉ែកបូព៌ារបស់ចិន ហើយបើតាមស៊ីនហួរឲ្យដឹងកាលពីឆ្នាំ ២០១៦នោះ ទីក្រុងនេះមានចំនួនពលរដ្ឋរស់នៅអចិន្ត្រៃប្រមាណ២៤,១៥លាននាក់។ គិតត្រឹមចុងឆ្នាំ ២០១៥។
រដ្ឋការទីក្រុងឲ្យដឹងថា គេនឹងសកម្មការពារបរិស្ថាន និងទីតាំងប្រវត្តិសាស្ត្រនានាដែលមានចែងក្នុងមហាផែនការចំពោះក្រុងសៀងហៃ៕ សូយន
