ក្រចេះ ៖ ស្នងការដ្ឋាននគរបាលខេត្តក្រចេះ បានឲ្យដឹងថា នគរបាលក្រុងក្រចេះ នៅព្រឹកថ្ងៃទី២១ ឧសភា បានចុះធ្វើការបង្ក្រាបជនជាមុខសញ្ញាគ្រឿងញៀនបានចំនួន២នាក់ ស្រី១នាក់ ពួកគេជាប្តីប្រពន្ធ រស់នៅចំណុចភូមិត្រពាំងព្រីង សង្កាត់ក្រចេះ ក្រុងក្រចេះ។
ជនសង្ស័យទាំងពីរ ឈ្មោះ វូ ប៊ុណ្ណារឹទ្ធ ហៅទូច អាយុ២៦ឆ្នាំ ជាប្តី មានមុខរបរជាជាងធ្វើសិប្បកម្ម និងម្នាក់ទៀតឈ្មោះ ហ៊ន ស្រីឡែន អាយុ២១ឆ្នាំ ជាប្រពន្ធ។
អធិការនគរបាលក្រុងក្រចេះ លោកវរសេនីយ៍ឯក នេត លីន បានឲ្យដឹងថា ក្នុងការចាប់ខ្លួនពួកគេនៅនឹងលំនៅឋាន នគរបាលក៏បានឆែកឆេរកឃើញមានគ្រឿងញៀនមួយចំនួន ព្រមទាំងឧបករណ៍សម្រាប់ជួញដូរ និងប្រើប្រាស់ជាច្រើនសម្រាប់ផងដែរ ៕ ដោយ៖ កូឡាប