ឆ្នាំ២០១៧នេះ លោក Donald Trump នឹងក្លាយជាប្រធានាធិបតីអាមេរិកដំបូង ក្នុងអំឡុងពេលជិត១សតវត្សរ៍ ដែលពុំមានរៀបចំពិធីលៀងសាយភោជថ្នាក់ជាតិ ក្នុងសេតវិមាន។
តាម Independent, ពិធីលាងសាយភោចច្រើន ត្រូវបានរៀបចំដើម្បីទទួលប្រមុខរដ្ឋនានា ដែលមកទស្សនៈកិច្ចនៅអាមេរិក។ មុននោះលោក Trump ធ្លាប់បានរិះគន់ប្រធានាធិបតី Barack Obama ជុំវិញរឿងរៀបចំពិធីលៀងសាយភោជថ្នាក់ជាតិ ទោះបីវាត្រូវបានចាត់ទុកថា ជាឧបករណ៍ការទូតដ៏មានសារៈសំខាន់។
នៅពេលដែលនិយាយដល់ពិធីលៀងសាយភោជស្វាគមន៍ប្រធានរដ្ឋចិន ស៊ីជិន ពីង កាលពីឆ្នាំ ២០១៥ លោក Trump និយាយថា ៖ “ខ្ញុំនឹងពុំរៀបចំពិធីលៀងសាយភោជថ្នាក់ជាតិដើម្បីស្វាគមន៍មេដឹកនាំចិនឡើយ។ ខ្ញុំនឹងអញ្ជើញគាត់បរិភោគ hamburger រួចអង្គុយធ្វើការតែម្តង”។
លេខាធិការសារព័តមាននៃសេតវិមាន Sarah Huckabee Sanders និយាយថា ពុំមានមូលហេតុពិសេសណាមួយសម្រាប់បកស្រាយមូលហេតុថា ហេតុអ្វីប្រធានាធិបតីដូណាល់ ត្រាំ នៅបំណាច់ឆ្នាំនេះពុំថ្លែងប្រាប់ថា នឹងអញ្ជើញមេដឹកនាំប្រទេសណាមួយមកទស្សនកិច្ចនៅអាមេរិក អំឡុងដើមឆ្នាំថ្មី។ ប៉ុន្តែមន្ត្រីដដែលនេះឲ្យដឹងថា រដ្ឋការរបស់លោកត្រាំ និងមានការរៀបចំដំណើរទស្សនៈកិច្ចអំឡុងដើមឆ្នាំថ្មីខាងមុខ គ្រាន់តែពុំទាន់បានកំណត់ថា នឹងអញ្ជើញប្រមុខរដ្ឋប្រទេសណាមួយ។
តាម Anita McBride, អតីតនាយកខុទ្ទកាល័យជំទាវទី១ Laura Bush, ឲ្យដឹងថា ការអញ្ជើញមេដឹកនាំប្រទេសណាមួយមកទស្សនៈកិច្ចអាមេរិក នាអំឡុងដើមឆ្នាំត្រូវបានចាត់ទុកជាសញ្ញាមិត្តភាព និងទំនាក់ទំនងយុទ្ធសាស្ត្រជាមួយប្រទេសនោះ៕ សូយន
