កំពង់ចាម ៖ កម្លាំងនគរបាលការិយាល័យប្រឆាំងគ្រឿងញៀន សហការជាមួយជំនាញស្រុកកងមាស និងស្រុកព្រៃឈរ ស្រាវជ្រាវ និងបេីកកិច្ចប្រតិបត្តិការបង្ក្រាបករណី រក្សាទុក ជួញដូរ និងប្រេីប្រាស់ដោយខុសច្បាប់នូវសារធាតុញៀន នៅថ្ងៃទី២២ ខែឧសភា ឆ្នាំ២០១៩ ដោយឃាត់ខ្លួនជនសង្ស័យចំនួន៩នាក់។
មន្ត្រីនគរបាល ខេត្តកំពង់ចាមបានអោយដឹងថា ដោយអនុវត្តតាមបទបញ្ជាយ៉ាងម៉ឺងម៉ាត់ របស់លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម កម្លាំងនគរបាល បានចាប់ជនសង្ស័យ រួមមាន ៖
១-ឈ្មោះ សុះ សាគីរីន ភេទប្រុស អាយុ៣១ឆ្នាំ ជាតិខ្មែរឥស្លាម នៅភូមិសាច់សូរ ឃុំពាមជីកង ស្រុកកងមាស ខេត្តកំពង់ចាម។
២-ឈ្មោះ សុះ ទិត ភេទប្រុស អាយុ៣២ឆ្នាំ ជាតិខ្មែរឥស្លាម នៅភូមិអង្គរបានទី៣ឃុំអង្គរបានស្រុកកងមាស ខេត្តកំពង់ចាម។
៣-ឈ្មោះ វ៉ាន់ វណ្ណដា ភេទប្រុស អាយុ៣៥ឆ្នាំ នៅភូមិទួលចំបក់ ឃុំបារាយណ៍ ស្រុកព្រៃឈរ ខេត្តកំពង់ចាម។
៤-ឈ្មោះ ស្លេះ សែនី ភេទប្រុស អាយុ២៤ឆ្នាំ នៅភូមិព្រៃខ្ជាយ ឃុំបារាយណ៍ ស្រុកព្រៃឈរ ខេត្តកំពង់ចាម។
៥-ឈ្មោះ ឆេង ពន្លង ភេទប្រុស អាយុ៣១ឆ្នាំ នៅភូមិតាមាស ឃុំគរ ស្រុកព្រៃឈរ ។
៦-ឈ្មោះ ឃឿន ភ័ស អាយុ៣៥ឆ្នាំ នៅភូមិរំដួល ឃុំគរ ស្រុកព្រៃឈរ។
៧-ឈ្មោះ ស្លេះ ហាំព្លី ភេទប្រុស អាយុ២៥ឆ្នាំ នៅភូមិព្រៃខ្ជាយ ឃុំបារាយណ៍ ស្រុកព្រៃឈរ។
៨-ឈ្មោះ វែន ធឿន ភេទប្រុស អាយុ៣០ឆ្នាំ នៅភូមិតាលៃ ឃុំគរ ស្រុកព្រៃឈរ។
៩-ឈ្មោះ ជា ចាន់អូន ភេទប្រុស អាយុ៣១ឆ្នាំ នៅភូមិព្រៃទទឹង ឃុំជ្រៃវៀន ស្រុកព្រៃឈរ។
ដកហូតវត្ថុតាងរួមមាន៖ ម្សៅក្រាមពណ៌សសង្ស័យថ្នាំញៀន ១២កញ្ចប់, ទូរស័ព្ទ១១គ្រឿង, ម៉ូតូ០៤គ្រឿង, ឧបករណ៍សេព , ដាវ០២ដើម អាវុធកែច្នៃ០១ដើម(កាំភ្លើងខ្យល់) និងសម្ភារៈវេចខ្ចប់មួយចំនួន។
កម្លាំងជំនាញកំពុងសាកសួរយកចម្លេីយ និងកសាងសំណុំរឿងបញ្ជូនក្រុមជនសង្ស័យទៅតុលាការ ដេីម្បីចាត់ការតាមនីតិវិធី ៕ ដោយ៖កូឡាប