មហាអំណាចយោធាពិភពិលោក សហរដ្ឋអាមេរិចបានដាក់ទណ្ឌកម្មបន្ថែមទៀតលើ មន្ត្រីជាន់ខ្ពស់ កូរ៉េខាងជើងចំនួន ២រូបដែលបានដឹកនាំការអភិវឌ្ឍន៏អាវុធប្រល័យលោករបស់កូរ៉េខាងជើង។ នេះបើតាម ការចេញផ្សាយរបស់ BBC នៅថ្ងៃពុធនេះ។
រតនាគារអាមេរិចបានកំណត់ឈ្មោះមន្ត្រីទាំងពីរនាក់នោះ ដោយមានឈ្មោះថា Kim Jong-sik និង Ri Pyong-chol និងបានបញ្ជាក់ថា ពួកគេទាំងពីរនាក់នេះគឺជាមេដឹកនាំដ៏សំខាន់នៃកម្ម វិធីមីស៊ីលឆ្លងទ្វីបរបស់កូរ៉េខាងជើង។
ទណ្ឌកម្មថ្មីរបស់អាមេរិចនេះ នឹងធ្វើការទប់ស្កាត់ដល់ការធ្វើជំនួយទាំងឡាយណារបស់ជនទាំងពីរនេះនៅសហរដ្ឋអាមេរិច និងចាំបាច់បំផុតគឺបង្កកទ្រព្យសម្បត្តិដែលជាពួកគេប្រហែលមាននៅអាមេរិច។
បុគ្គលទាំងពីរ តែងតែត្រូវបានគេឃើញនៅជាមួយមេដឹកនាំកូរ៉េខាងជើង គីម ជុងអ៊ុន នៅកន្លែងបាញ់សាកល្បងមីស៊ី។
បើតាមសេចក្តីរាយការណ៏របស់សារព៌តមាន Reuters បានឲ្យដឹងថា លោក Ri Pyong-chol គឺជាអតីតឧត្តមសេនីយ៏នៃកងកំលាំងអាកាសរបស់កូរ៉េខាងជើង ដែលទទួលបានការអប់រំនៅប្រទេសរុស្សី ចំនែក លោក Kim Jong-sik ជាអ្នកវិទ្យាសាស្ត្រផលិតគ្រាប់រ៉ុកកែត។
ពួកគេទាំងពីរនាក់គឺស្ថិតក្នុងចំណោមជនជាតិកូរ៉េខាងជើងចំនួន ១៦នាក់ដែលរងទណ្ឌកម្មរបស់អង្គការសហប្រជាជាតិកាលពីថ្ងៃពុធកន្លងទៅនេះ។
សូមរំលឹកផងដែរថា កាលពីថ្ងៃពុធសប្តាហ៏មុន អង្គការសហប្រជាជាតិបានអនុម័តទណ្ឌកម្មថ្មីដោយឯកច្ឆ័នប្រឆាំងនឹងរបបព្យុងយ៉ាង ដើម្បីឆ្លើយតបទៅនឹងការបោះសាកល្បងមីស៊ីលឆ្លងទ្វីបរបស់របបកុម្មុនិស្តនេះ។ សូម្បីសម្ព័ន្ធមិត្តរបស់កូរ៉េខាងជើង រួមមានរុស្សី និងចិន ក៏គាំទ្រនឹងទណ្ឌកម្មនោះផងដែរ។
ទណ្ឌកម្មថ្មីបន្ថែមរួមមានការកាត់បន្ថយការនាំប្រេងសាំងទៅកាន់កូរ៉េខាងជើងឲ្យបាន ៩០ភាគរយ៕ សុភ័ក្ត្រ