ខេត្តតាកែវ ៖ ថ្ងៃទី២២ ខែឧសភា ឆ្នាំ២០១៩ នៅវេលាម៉ោង ១៤:១៥នាទី នៅភូមិសង្ហា ឃុំព្រៃស្លឹក ស្រុកទ្រាំង មានករណី មនុស្សឆក់ចរន្តអគ្គីសនីស្លាប់០១នាក់ បន្ទាប់ពីមានភ្លៀងខ្យល់ដួលដើមស្វាយងាប់សង្កត់លើខ្សែភ្លើងបិទផ្លូវចេញចូលផ្ទះជនរងគ្រោះ ហើយទៅលើកដើមស្វាយចេញប៉ះចំខ្សែភ្លើងដាច់ ឆក់តែម្តង។
នគរបាលមូលដ្ឋាន បានឲ្យដឹងថា ជនរងគ្រោះឈ្មោះសាំ សារឿន ភេទប្រុសអាយុ៤៨ឆ្នាំរស់នៅភូមិឃុំកើតហេតុខាងលើ មានមុខរបរកសិករ។ មូលហេតុ ដោយមុនពេលកើតហេតុមានភ្លៀងខ្យល់ដួលដើមស្វាយងាប់ពីយូរមកហើយ សង្កត់លើខ្សែភ្លើងបិទផ្លូវចេញចូលផ្ទះជនរងគ្រោះ។ ពេលភ្លៀងរាំងឈ្មោះស ញឹប ត្រូវជាប្រពន្ធជនរងគ្រោះ បានឲ្យប្តីយកដើមស្វាយចេញ ដើម្បីចេញម៉ូតូ ពេលនោះជនរងគ្រោះ ក៏ចាប់ចំខ្សែភ្លើងដែលដាច់ក៏ឆក់ស្លាប់នៅកន្លែងកើតហេតុ។
កម្លាំងផ្នែកជំនាញបានចុះដល់កន្លែងកើតហេតុធ្វើការស្រាវជ្រាវសន្និដ្ឋានថា ជនរងគ្រោះពិតជាស្លាប់ដោយឆក់ចរន្តអគ្គីសនីប្រាកដមែន៕ ដោយ៖កូឡាប