លោក សំ ចន្ថា អភិបាលរងស្រុកបាណន់ ត្រូវប្រពន្ធហែកកេរ្តិ៍រឿង មានស្រីក្មេង មកវាយធ្វើបាបប្រពន្ធរហូតដល់នាងទ្រាំមិនបាន សុំ ឲ្យមហាជនជួយដឹងឮលើបណ្តាញសង្គមក្នុងពេលថ្មីៗនេះ។ នេះបើតាមផេកហ្វេសប៊ុកឈ្មោះគឹម ហេង ជាប្រពន្ធរបស់លោក សំ ចន្ថា អភិបាលរងស្រុកបាណន់ ខេត្តបាត់ដំបង។
អ្នកស្រីគឹម ហេង ជាប្រពន្ធ របស់លោក សំ ចន្ថា អភិបាលរងស្រុកបាណន់ បានសរសេរលើហ្វេសប៊ុកថា លោក សំ ចន្ថា ងារជាអភិបាលរងស្រុកបាណន់ មានស្រីខាងក្រៅ នាងខ្ញុំជាប្រពន្ធ តែងតែទុកពេលឲ្យកែខ្លួន តែនៅមិនព្រមកែ។ ថែមទាំងលួចទៅសែនព្រេនជាមួយស្រីក្មេង។ មិនតែប៉ុណ្ណោះតែងតែមកធ្វេីបាបនាងខ្ញុំ ដោយអំពើហិង្សាគ្រប់រូបភាព មានទាំងធ្ងន់ មានទាំងស្រាល។
នាងខ្ញុំបានទៅដាក់ពាក្យបណ្តឹងដែរ តែបានតែការសម្របសម្រួល។ ហេីយលោកម្នាក់នេះបានស្រែកថា គ្មានអ្នកណាធ្វើអ្វីគេបានទេ។ ពេលខ្លះនាងខ្ញុំឈឺដេីរអត់រួច ហៅពេទ្យមកព្យួរសេរ៉ូម ពេលលោកនេះមកដល់ទារលុយខ្ញុំអត់បាន ទាញសេរ៉ូមដាច់ ហេីយថែមទាំងវាយធ្វើបាបនាងខ្ញុំពេលកំពុងឈឺ បិទទ្វារជិតនាងខ្ញុំស្រែកហៅអ្នកជិតខាងឲ្យជួយតែគ្មានអ្នកណាឮ។ រួចបណ្តេញនាងខ្ញុំចេញពីផ្ទះ គេត្រូវយកបងប្អូនគេ នឹងស្រីក្មេងគេមកនៅ ។ មិនតែប៉ុណ្ណោះថែមទាំងបេីកដៃឲ្យស្រីក្មេងរបស់គេជេរប្រមាថនាងខ្ញុំ នូវពាក្យអសុរោះ។ បន្ទាប់មកយកបងប្រុសដែលជាមន្ត្រីប៉ូលីសម្នាក់មកជេរដៀលនាងខ្ញុំនូវពាក្យអាសអាភាស នាងខ្ញុំមានពាក្យបណ្ដឹងនៅប៉ុស្តិ៍ស្រាប់។ ដីផ្ទះដែលនាងខ្ញុំរស់នៅរាល់ថ្ងៃនេះ បានធ្វេីរួមគ្នា តែលោកម្នាក់នេះបានរៀបចំក្លែងបន្លំឯកសារ លួចចុះឈ្មោះម្នាក់ឯងដោយមិនឲ្យនាងខ្ញុំដឹង នាងខ្ញុំមានសាក្សី និងភស្តុតាងមួយចំនួន ពាក់ព័ន្ធនឹងដីផ្ទះនេះ។ ពាក្យដែលខ្ញុំនិយាយទាំងប៉ុន្មានគឺជាពាក្យពិតទាំងអស់ នាងខ្ញុំកាន់ព្រះពុទ្ធសាសនា នាងខ្ញុំមិននិយាយពាក្យមិនពិតទេ។ ហេីយនាងខ្ញុំមិនបានទាមទារឲ្យគេវិលមកវិញទេ ឲ្យគេនៅឲ្យបានសុខចុះ នាងខ្ញុំក៏មិនបានទៅរករឿងរំខានក្តីសុខគេម្តងណាទេ តែសូមឲ្យគេចូលខ្លួនមកបញ្ចប់បញ្ហា និងផ្តល់សេរីភាព ឲ្យគ្នារៀងៗខ្លួន។ បេីនៅតែមិនចូលខ្លួនមកបញ្ចប់បញ្ហាទេ នាងខ្ញុំនឹងទៅដល់សាលាស្រុកបាណន់ បេីនៅតែគ្មានដំណោះស្រាយទេ នាងខ្ញុំរកវិធីផ្សេងទៀត។ ដូច្នេះសូមបងប្អូនក្នុងសង្គមមេត្តាអធ្យាស្រយ័ ជួយ share ព័ត៍មាននេះឲ្យបានជ្រាបដល់ថ្នាក់ដឹកនាំខាងលេីឲ្យលោកបានជ្រាបផង។ ខ្ញុំនិយាយនេះ នាងខ្ញុំក៏ខ្មាសគេដែរ តែទ្រាំលែងបានហេីយ អស់រយៈពេលពីរឆ្នាំហើយនៅតែគ្មានដំណោះស្រាយ។ រាល់ពាក្យពេចន៍ដែលខ្ញុំនិយាយខាងលេីជាពាក្យពិត បេីមិនពិតដោយប្រការណាមួយ នាងខ្ញុំហ៊ានទទួលខុសត្រូវចំពោះមុខច្បាប់។
អ្នកស្រី បានលើកឡើងថា លោក សំ ចន្ថា បេីកដៃឲ្យស្រីក្មេង នឹងរួមគំនិតបរិហារកេរ្ដិ៍ដោយពាក្យមិនពិត តេីនាងមានសិទ្ធិអីចេញមុខបកស្រាយ នាងកំពុងតែមានទោសលួចប្តីគេ តេីលោក សំ ចន្ថា មានសតិជាមនុស្សទេ ទេីបហ៊ានធ្វេីបែបនឹង បេីខ្ញុំចង់បានទ្រព្យរបស់លោកមែន ចឹងខ្ញុំជាជនឆបោក ហើយចឹងលោកមកចាត់ការខ្ញុំតាមផ្លូវច្បាប់ទៅ ខ្ញុំមិនរត់ទៅណាទេ រង់ចាំជានិច្ច។
លោក សំ ចន្ថា ងាជាអភិបាលរងស្រុកបាណន់ថតជាមួយស្រីក្មេង ប្រពន្ធចុង មិនទាន់លែងលះប្រពន្ធដេីមទេ មិនតែប៉ុណ្ណោះមករករឿងធ្វើបាបប្រពន្ធកូន ជេរប្រមាថនឹងប្រេីអំពេីហិង្សាគ្រប់រូបភាព មិនតែប៉ុណ្ណោះថែមទាំងឲ្យបងប្រុសបង្កេីត ជាមន្ត្រីប៉ូលិសម្នាក់មកជេរ ប្រមាថប្រពន្ធនូវពាក្យអាសអាភាស នាងខ្ញុំមានពាក្យបណ្តឹងនៅប៉ុស្តិ៍ប៉ូលិសស្រាប់រួមជាមួយនឹងសាក្សី គាត់ម្នាក់នេះនិយមនិយាយលាងខ្លួនណាស់ ថែមទាំងស្រែកថាគ្មានអ្នកណាហ៊ានធ្វើអ្វីគេបានទមានទាំងរូបភាពស្និតស្នាលផុសបញ្ឈឺនាងខ្ញុំទៀត ពេលនេះនាងខ្ញុំក៏អស់ការអត់ធ្មត់ហើយសូមបងប្អូនក្នុងបណ្តាញសង្គមមេតាជួយពិចារណា និងជួយស៊ាឲ្យគាត់បានល្បីផង ដោយអនុគ្រោះ ពីនាងខ្ញុំគឹម ហេង បេីពាក្យដែលខ្ញុំនិយាយខាងលេីនេះលេីសពីការពិតខ្ញុំហ៊ានប្រឈមមុខចំពោះមុខច្បាប់។
ពាក់ព័ន្ធនឹងករណីខាងលើ អ្នកសារព័ត៌មាន មិនអាចទំនាក់ទំនង លោក សំ ចន្ថា ជាអភិបាលរងស្រុកបាណន់ ដើម្បីបំភ្លឺបានទេ៕ ដោយ៖កូឡាប
