ភ្នំពេញ ៖ លោក ស៊ុយ សែម រដ្ឋមន្ត្រីក្រសួងរ៉ែនិងថាមពលបានដឹកនាំប្រតិភូក្រសួងរ៉ែនិងថាមពល ចូលរួមកិច្ចប្រជុំពិភាក្សាជាមួយឧត្តមក្រុមប្រឹក្សាពិគ្រោះនិងផ្តល់យោបល់ ដែលអង្គប្រជុំមានគោលបំណងពិភាក្សាផ្តោតលេីបេសកកម្ម និងសមិទ្ធផលក្នុងរង្វង់ដែនសមត្ថកិច្ចរបស់ក្រសួងរ៉ែនិងថាមពល។
ក្រសួងរ៉ែនិងថាមពល បានខិតខំប្រឹងប្រែងយកចិត្តទុកដាក់ប្រកបដោយទស្សនវិស័យ ដេីម្បីអនុវត្តមុខងាររបស់ខ្លួន ដែលរាជរដ្ឋាភិបាលប្រគល់ជូន ក្នុងនាមជាសេនាធិការដែលមានបេសកកម្មដឹកនាំ គ្រប់គ្រង និងអភិវឌ្ឍវិស័យរ៉ែ ថាមពល ប្រេងកាត បរមាណូស៊ីវិល រួមទាំងវិទ្យុសកម្ម និងអគ្គិសនី។
កិច្ចប្រជុំពិភាក្សាក្នុងក្របខ័ណ្ឌឧត្តមក្រុមប្រឹក្សាពិគ្រោះនិងផ្តល់យោបល់ ធ្វើឡើងនៅវិមានសន្តិភាព ព្រហស្បតិ៍ ៥រោច ពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែឧសភា ឆ្នាំ២០១៩។
លោក ពេជ្រ ស្រស់ បានលើកឡើងថា រដ្ឋមន្ត្រីក្រសួងរ៉ែ និងថាមពល គ្មានសិទ្ធិអនុញ្ញាតឲ្យក្រុមហ៊ុន ទ្រី ភាព ធ្វើការសម្អាត ច្រាំងទន្លេទេ ប៉ុន្តែមានសិទ្ធិគ្រប់គ្រងរ៉ែក្នុងទន្លេនោះ។
ពាក់ព័ន្ធទៅនឹងករណីដែលលេចឭថាក្រុមហ៊ុន ទ្រី ភាព ធ្វើការសម្អាត នៅតាមជ្រាំងទន្លេ ដែលជាករណីធ្វើឲ្យមានការប្រតិកម្មយ៉ាងខ្លាំងនៅក្នុងបណ្ដាញសង្គមហ្វេសប៊ុកកាលពីពេលថ្មីៗកន្លងទៅនេះ ដែលពាក់ព័ន្ធទៅនឹងករណីនេះដែរ លោក ពេជ្រ ស្រស់ ប្រធានគណបក្សយុវជនកម្ពុជា ព្រមទាំងជាសមាជិកនៃឧត្ដមក្រុមប្រឹក្សាពិគ្រោះ និងផ្ដល់យោបល់ លោកក៏បានលើកជាសំណួរចោទសួរទៅកាន់ រដ្ឋមន្ត្រីក្រសួងរ៉ែ និងថាមពល ឲ្យជួយឆ្លើយបំភ្លឺ រីឯភាគីខាងក្រសួងរ៉ែ និងថាមពល ក៏បានធ្វើការឆ្លើយតបភ្លាមៗថា៖ ” ក្រសួងពុំមានសមត្ថកិច្ចក្នុងការផ្ដល់ទន្លេឲ្យទៅក្រុមហ៊ុន ទ្រី ភាព ធ្វើការស្ដារនោះទេ តែក្រសួងមានកាតព្វកិច្ចគ្រប់គ្រងរ៉ែដែលនៅខាងក្រោមទន្លេ រួមមានដូចជា៖ ខ្សាច់, ថ្ម, ក្រួស ជាដើម ហើយចំពោះការដឹកជញ្ជូនចេញដោយពុំមានច្បាប់អនុញ្ញាត ក្រសួងនឹងមានវិធានការ ដោយត្រួតពិនិត្យមើលការលក់នោះថា លក់ទៅឲ្យភាគីខាងណា រួចក្រសួងនឹងកំណត់ឲ្យធ្វើការបង់ពន្ធចូលរដ្ឋ “។
លោក ពេជ្រ ស្រស់ ប្រធានគណបក្សយុវជនកម្ពុជា និងជាសមា ជិក ក្រុមប្រឹក្សាពិគ្រោះ និងផ្តល់យោបល់ បានសួរដេញដោលទៅ ភាគីក្រ សួង រ៉ែ និងថាមពល និងអគ្គិសនីកម្ពុជា ចំនួន៤ចំណុច នៅក្នុងកិច្ចប្រ ជុំនៅ ព្រឹក នេះ៖ ១៖ អំពីលុយបានពីការលក់ភ្នំ រ៉ែ និងខ្សាច់បូមពីទន្លេបានចំណូល ប៉ុន្មាន ចូល ទៅ ជាថវិការបស់រដ្ឋ…។ ២៖ អំពីគោលជំហររបស់ក្រសួងរ៉ែ និងថាមពលជាមួយក្រុមហ៊ុន ទ្រី ភាព តើខាងក្រសួងអនុញ្ញាតឲ្យក្រុមហ៊ុនមួយនេះធ្វើការសម្អាត ជ្រាំងទន្លេ? ៣៖ អំពីក្រសួងរ៉ែ និងថាមពលមាននូវដីជាប់ជើងភ្នំក្រោយពលរដ្ឋកាន់ កាប់អាស្រ័យផល តើក្រសួងអាចប្រគលដីនោះឲ្យពលរដ្ឋវិញដែរទេ? និង៤៖ ហេតុអ្វីបានជាតម្លៃភ្លើងឡើងថ្លៃ១គុណជា២ គឺស្របពេល ភ្លើងដាច់ គ្មាន បានប្រើផងនោះ?៕ ដោយ ៖ កូឡាប