កណ្តាល ៖ ករណីរំលោភសេពសន្ថវៈ ដែលកើតហេតុនៅថ្ងៃទី២២ ខែឧសភា ឆ្នាំ២០១៩ ចន្លោះវេលាម៉ោង១១ ទៅម៉ោង១២ជាងចំណុចក្នុងព្រៃខាងក្រោយភូមិអូរស្លាត ឃុំភ្នំបាត ស្រុកពញាឮ ខេត្តកណ្តាល នគរបាលបានស្រាវជ្រាវចាប់ខ្លួនបុរសម្នាក់ជាឪពុកចុង ។
ជនរងគ្រោះ ឈ្មោះ វ ម ភេទស្រី អាយុ១៦ឆ្នាំ ជនជាតិខ្មែរ មុខរបរនៅផ្ទះ មានទីលំនៅភូមិក្បាលស្ពាន ឃុំភ្នំបាត ស្រុកពញាឮខេត្តកណ្តាល(វិបល្លាសស្មារតី)។ ជនសង្ស័យដែលសម្តថកិច្ច ឃាត់ខ្លួន ឈ្មោះ បូ វុន អាយុ៣៧ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិក្បាលស្ពាន ឃុំភ្នំបាត ស្រុកពញាឮ ខេត្តកណ្តាល ។
នៅថ្ងៃ ខែ ឆ្នាំ វេលាម៉ោងកើតហេតុខាងលើជនរងគ្រោះឈ្មោះវ មបានទៅអង្គុយលេងលើបង់តែម្នាក់ឯង នៅក្នុងវត្តធម្មស្រះ ក្នុងភូមិធម្មស្រះ ឃុំភ្នំបាត ស្រុកពញាឮ ខេត្តកណ្តាល នៅពេលកំពង់អង្គុយលេង ស្រាប់តែជនសង្ស័យឈ្មោះ បូ វុន ត្រូវជាឪពុកចុងបានដើរទៅនិយាយបបួលជនរងគ្រោះដែលជាកូនចុងថា ៖ តោះទៅកន្លែងដដែល ដើរទៅមុនអញទៅចាំអញដើរទៅតាមក្រោយបន្ទាប់មកជនរងគ្រោះបានដើរទៅក្នុងព្រៃខ្នងទំនប់ខាងត្បូងវត្តធម្មស្រះ (កន្លែងកើតហេតុ) ពេលទៅដល់កន្លែងកើតហេតុជនសង្ស័យបានចាប់ស្រាតខោជើងវែង និងខោលីអូ របស់ជនរងគ្រោះចេញ តែមិនបានដោះអាវទេ ហើយជនសង្ស័យបានឲ្យជនរងគ្រោះដេកនៅនិងដីក្បែរគុម្ពឫស្សី រួចហើយជនសង្ស័យបានស្រាតខោរបស់ខ្លួន រួចយកប្រដាប់ភេទរបស់ខ្លួន ដាក់ចូលក្នុងប្រដាប់ភេទជនរងគ្រោះ រួចធ្វើសកម្មភាពរំលោភជនរងគ្រោះរហូតបានសម្រេច ។ ក្រោយពេលរំលោភជនរងគ្រោះរួច ជនសង្ស័យបានអោយជនរងគ្រោះដើរទៅផ្ទះ ជួនពេលនោះបងស្រីជនរងគ្រោះឈ្មោះពុធ ស្រីនី បានដើររកជនរងគ្រោះក៏បានឃើញនៅក្នុងវត្តធម្មស្រះ ហើយសួរជនរងគ្រោះថា៖ទើបមកពីណា?ពេលនោះជនរងគ្រោះបានប្រាប់បងស្រីខ្លួនថា ៖ ពូ វុន ចាប់ខ្ញុំបន្ទាប់មកបងស្រីនិង ម្តាយជនរងគ្រោះ បាននាំជនរងគ្រោះ មកប្តឹងសមត្ថកិច្ចប៉ុស្តិ៍នគរបាលភ្នំបាតតែម្តង ។
តាមការសារភាពរបស់ជនសង្ស័យឲ្យដឹងថា ៖ កាលពីថ្ងៃ អាទិត្យទី១៩ ខែឧសភា ឆ្នាំ២០១៩ វេលាម៉ោង១៦ ជនសង្ស័យ បានធ្វើសកម្មភាព ចាប់រំលោភជនរងគ្រោះ នៅកន្លែងកើតហេតុខាងលើបានសម្រេចចំនួន១ដង ហើយប៉ុន្តែជនរងគ្រោះមិនបានប្រាប់ម្ដាយ ឬបងប្អូនទេ ។ ក្រោយពីទទួលបានពាក្យបណ្តឹងភ្លាមកម្លាំងប៉ុស្តិ៍ សហការជាមួយកម្លាំងផ្នែកជំនាញចុះឃាត់ខ្លួនជនសង្ស័យ បញ្ជូនមកអធិការដ្ឋាននគរបាលស្រុកពញាឮ ដើម្បីធ្វើការសាកសួរកសាងសំណុំរឿងបន្តចាត់ការតាមនីតិវិធី ៕ ដោយ ៖ កូឡាប