ខេត្តស្វាយរៀង ៖ កុដិលោកមួយខ្នងត្រូវបានអគ្គីភ័យលេបត្របាក់ទាំងព្រឹក សង្ស័យអាចបណ្តាលមកពីឆ្លងចរន្តអគ្គិសនីដែលហេតុការណ៍នែគ្រោះអគ្គីភ័យខាងលើនេះបានកើតឡើងកាលពីវេលាម៉ោង៨និង១០នាទីព្រឹកថ្ងៃទី២៣ ខែឧសភា ឆ្នាំ២០១៩នេះ នៅវត្តតាឡុកភូមិបាវិតកណ្តាល សង្កាត់បាវិតក្រុងបាវិតខេត្តស្វាយរៀង។
សមត្ថកិច្ចបានឱ្យដឹងថាៈកាលពីវេលាម៉ោងម៉ោង៨និង១០នាទីព្រឹកថ្ងៃខែឆ្នាំដដែលមានករណីគ្រោះអគ្គីភ័យបានបណ្តាល ឱ្យឆេះកុដិព្រះសង្ឃ ០១ ខ្នង នៅវត្តតាឡុក ទំហំ ៨ម x ១១ម ធ្វើអំពីឈើ ជញ្ជាំង និងដំបូលសង្កសី រៀបឥដ្ឋក្រោម មូលហេតុឆ្លងចរន្តអគ្គិសនីប៉ះគ្នា បណ្តាលអោយឆេះកុដិទាំងស្រុង។
ប្រភពខាងលើបានឱ្យដឹងទៀតថាៈករណីខាងលើនេះខាងសមត្ថកិច្ចបានប្រើប្រាស់រថយន្តពន្លត់អគ្គីភ័យអស់ចំនួន២គ្រឿងដើម្បីបាញ់ទឹកពន្លត់ មួយគ្រឿងជារបស់កងរាជអាវុតហត្ថក្រុងនិងមួយគ្រឿងទៀតជារបស់អធិការដ្ឋាននគរបាលក្រុងបាវិត។
ប្រភពដដែលបានបន្ថែមទៀតថាៈជុំវិញគ្រោះអគ្គីភ័យនេះពុំបានបណ្តាលឱ្យមានគ្រោះថ្នាក់ដល់អាយុជីវិតមនុស្សនោះទេប៉ុន្តែនៅពុំទាន់ដឹងថាខូចខាតអស់ទ្រព្យសម្បត្តិប៉ុន្មាននោះទេ ៕ ដោយ ៖ វ៉ៃកូ
