ខេត្តត្បូងឃ្មុំ ៖ នៅល្ងាចថ្ងៃទី ២៣ ខែឧសភា ឆ្នាំ២០១៩ វេលាម៉ោង ១៥និង០០នាទី នៅចំណុចមាត់បឹងត្រពាំងជោរ ស្ថិតនៅភូមិឈើទាលទី២ ឃុំពាមជីលាំងស្រុកត្បូងឃ្មុំ មានករណីគ្រោះធម្មជាតិ(រន្ទះបាញ់)បណ្ដាលអោយ ស្លាប់មនុស្ស១នាក់និងរងរបួសកូនក្មេងតូច ២នាក់។
ហេតុការណ៍កើតឡើងនៅវេលាម៉ោងកើតហេតុខាងលើមានឈ្មោះ សាន់ ម៉ាន ភេទប្រុសអាយុ ២៩ឆ្នាំ ជនជាតិឥស្លាម រស់នៅភូមិឈើទាលទី២ ឃុំពាមជីលាំង ស្រុកត្បូងឃ្មុំ បាននាំប្រពន្ធឈ្មោះ ម៉ាន ស៊ាសអាយុ ២៥ឆ្នាំ និងកូនស្រីចំនួន ២នាក់ទៅនេសាទត្រី(បង់សំណាញ់)នៅចំណុចខាងលើ ពេលទៅដល់ឈ្មោះសាន់ ម៉ាន ជាប្ដីបានចុះទៅលើកលបហើយប្រពន្ធនិងកូននៅមាត់បឹងក្រោមដើមរាំងខណៈនោះក៏មានខ្យល់និងភ្លៀងធ្លាក់មកស្រាប់តែរន្ទះបាញ់មកត្រូវប្រពន្ធនិងកូនតូចដែលនៅឈរចាំខាងលើតែម្ដងបណ្ដាលឲ្យស្លាប់ប្រពន្ធនៅហ្នឹងកន្លែង រីឯកូនពីរនាក់រងរបួសស្រាល ។
១-.ជនរងគ្រោះឈ្មោះម៉ាន ស៊ាស ភេទស្រីអាយុ25ឆ្នាំជាតិឥស្លាម(ស្លាប់)មានស្នាម របួសជាំខ្មៅពាសពេញខ្លួន និង របកដាច់ស្បែកលើដើមទ្រូងមួយកន្លែង ,គល់ចង្កេះមួយកន្លែង និង ខ្លោចសក់ក្បាល។ ២.ជនរងគ្រោះឈ្មោះម៉ាន អាំមុី ភេទស្រីអាយុ9ឆ្នាំ(របួសស្រាល)របួសខ្នង។ ៣.ជនរងគ្រោះឈ្មោះម៉ាន ស្រីមី ភេទស្រីអាយុ ១ឆ្នាំ(របួសស្រាល) មានស្នាមក្រហមម្រាមដៃ ។
ក្រោយទទួលព័ត៌មានកម្លាំងជំនាញនៃអធិការដ្ឋាននគរបាលស្រុកត្បូឃ្មុំសហការជាមួយកម្លាំងប៉ុស្តិ៍នគរបាលរដ្ឋបាលពាមជីលាំងចុះដល់កន្លែងកើតហេតុធ្វើការពិនិត្យស្រាវជ្រាវឃើញថាសពពិតជាស្លាប់ដោយរន្ទះបាញ់ពិតមែនពុំមានពាក់ពន្ធ័នឹងបទល្មើសព្រហ្មទណ្ឌ ។
សពត្រូវបានប្រគល់ជូនក្រុមគ្រួសារសាច់ញាតិធ្វើបុណ្យទៅតាមប្រពៃណី ៕ ដោយ ៖ កូឡាប