ខេត្តព្រះសីហនុ ៖ អភិបាល នៃគណៈអភិបាលខេត្តព្រះសីហនុ និងជាប្រធានសាខាកាកបាទក្រហមកម្ពុជាខេត្តព្រះសីហនុ លោក យន្ត មីន បានឲ្យដឹងថា នៅក្នុងឱកាសពិធីប្រារព្ធទិវាពិភពលោកកាកបាទក្រហម និងអឌ្ឍច័ន្ទក្រហម ខួបលើកទី១៥៦ ដែលរដ្ឋបាលខេត្តបានរៀបចំឡើង នៅសណ្ឋាគារសុខា ខេត្តព្រះសីហនុ កាលពីព្រឹកថ្ងៃទី២៥ ខែឧសភា ឆ្នាំ២០១៩នេះ តាមរបាយការណ៍បឋមបង្ហាញថា សាខាកាកបាទក្រហមកម្ពុជាខេត្តព្រះសីហនុ ប្រមូលបានថវិកាមូលនិធិឧបត្ថម្ភពីសប្បុរសជនបានចំនួនជាង ១.៦០០.០០០ដុល្លារសហរដ្ឋអាមេរិក (ជាងមួយលាន ប្រាំមួយសែនដុល្លារអាមេរិក)។
ពិធីខាងលើនេះ មានវត្តមាន លោក សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងារថ្នាក់ជាតិចុះជួយខេត្តព្រះសីហនុ បានចូលរួមជាអធិបតី នៃពិធីអបអរសាទទិវាពិភពលោកកាកបាទក្រហមនិងអឌ្ឍច័ន្ទក្រហម ខួបលើកទី១៥៦ កាលពីព្រឹកមិញនេះ៕ ដែន សីមា