ភ្នំពេញ ៖ គូស្នេហ៍មួយគូ បានស្រុះស្រួលត្រូវគ្នា នាំចូលដេកផ្ទះសំណាក់រួមរ័កដល់កំពូលយប់ទី១ ដោយបានផ្អែមមាត់ហើយគ្មានឧបសគ្គអ្វីមករារាំងឡើយ ប៉ុន្តែចូលដល់យប់ទី២ ក៏នាំគ្នាឡើងមកផ្ទះសំណាក់ម្ដងទៀត ប៉ុន្តែមិនទាន់បានរួមរ័កមេត្រីផងស្រាប់តែសាច់ញាតិ បងប្អូនមកដល់ ធ្វើអោយនារីជាគូស្នេហ៍នោះស្រែកយំឡាំប៉ាឆោឡោពេញបន្ទប់ផ្ទះសំណាក់ថាបុរសនោះផងចាប់រំលោភ ហើយសាច់ញាតិខាងស្រីប្តឹងចោទថា ប៉ុនប៉ងរំលោភ។ ហេតុការណ៍នេះ បានបង្កការភ្ញាក់ផ្អើលឡើងកាលពីវេលាម៉ោង៧យប់ ថ្ងៃទី២៥ ខែឧសភា ឆ្នាំ២០១៩ថ្មីៗនេះ នៅបន្ទប់ផ្ទះសំណាក់មួយកន្លែង ស្ថិតក្នុងភូមិត្រពាំងថ្លឹង៣ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។
ករណីប្រុសប្រកែក ស្រីប្រកាន់ខាងលើ បន្ទាប់ពីមានបណ្តឹងពីក្រុមគ្រួសារខាងស្រី សមត្ថកិច្ចឃាត់ខ្លួនយុវជនខាងលើសាកសួរនៅប៉ុស្តិ៍ចោមចៅ១ ដើម្បីកសាងសំណុំរឿងបញ្ជូនទៅផ្នែកជំនាញអធិការដ្ឋានខណ្ឌបន្តតាមនីតិវិធី។
ជនជាប់ចោទក្នុងរឿងស្នេហាមួយនេះឈ្មោះ ផុន លីផេង ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅផ្ទះជួល ភូមិត្រពាំងថ្លឹង២ សង្កាត់ចោមចៅ១ ខណ្ឌពោធិសែនជ័យ ។ ចំណែកនារីដើមបណ្តឹងឈ្មោះ ឃឹម សុឡាង អាយុ២៣ឆ្នាំ មុខរបរកម្មកររោងចក្រ ស្នាក់នៅផ្ទះ ខណ្ឌពោធិសែនជ័យ ។
ភាគីខាងប្រុសអភ័ព្វស្នេហ៍រូបនេះ បានឲ្យដឹងថា ពួកគេស្រឡាញ់គ្នាជាសង្សារ អនាគតគ្រោងនឹងហៅចាស់ទុំចូលស្តីដណ្តឹង ហើយការទំនាក់ទំនងសម្ព័ន្ធភាពស្នេហ៍ស្អិតល្មួតនៅយប់ថ្ងៃទី២៤ ខែឧសភា ឆ្នាំ២០១៩ អ្នកទាំង២នាំគ្នាចូលដេកផ្ទះសំណាក់ម្តងហើយដោយរួមរ័កយ៉ាងសុខស្រួល គ្មានឧបសគ្គអ្វីកើតឡើងលុះចូលដល់យប់ទី២ នៅវេលាម៉ោង៦និង៣០នាទីព្រលប់ថ្ងៃទី២៥ ខែឧសភា ឆ្នាំ២០១៩ បបួលនាងទៅកន្លែងដដែល ហើយនារីខាងលើក៏យល់ព្រមទៅជាមួយ មិនទាន់បានរួមរ័កសម្រេចផង សាច់ញាតិបងប្អូនស្រី ទៅដល់បន្ទប់ ដោយចាប់ផ្តើមចោទប្រកាន់ថា ប៉ុនប៉ងរំលោភ៕ ដោយ៖បញ្ញាស័ក្តិ
