ប្រធានាធិបតីអាមេរិច ដូណាល់ ត្រាំ នៅថ្ងៃច័ន្ទនេះ បានក្លាយជាមេដឹកនាំបរទេសទី ១ ដែលបានជួបជាមួយយនឹងព្រះចៅអធិរាជ្យថ្មីរបស់ជប៉ុនព្រះនាម Naruhito។
ការទស្សនានៅវាំងរបស់ជប៉ុននេះគឺជាព្រឹត្តិការណ៍ដ៏ធំមួយ ក្រោយពេលលោកដូណាល់ ត្រាំ បានធ្វើដំណើរមកដល់ប្រទេសជប៉ុននៅថ្ងៃសោរ៍ ដោយបានចំណាយពេលចុងសប្តាហ៍លេងកូនហ្គោល ញាំអាហារជុំគ្នា និងមើលកីឡាសូម៉ូ ជាមួយមេដឹកនាំជប៉ុន អាប៊េ ហ្ស៊ីនហ្ស៊ូ។
សូមបញ្ជាក់ថា ក្រោយពេលជួបពិភាក្សាជាមួយនឹងព្រះចៅអធិរាជ្យជប៉ុនរួច លោក ត្រាំនឹងធ្វើកិច្ចប្រជុំកំពូលជាមួយនឹងនាយករដ្ឋមន្ត្រីជប៉ុន អាប៊េ ហ្ស៊ីនហ្ស៊ូ និងពិសារអាហារពេលថ្ងៃត្រង់ជាមួយគ្នា មុនពេលពួកគេធ្វើសន្និសិទកាសែត។
សូមរំលឹកផងដែរថា ព្រះចៅអធិរាជ្យជប៉ុន Naruhito ទើបតែបានឡើងគ្រងរាជ្យសម្បត្តិរយៈពេល ៣សប្តាហ៍ប៉ុណ្ណោះ ដែលការស្នងនេះកើតឡើង ក្រោយពេលព្រះបិតារបស់ព្រះអង្គបានដាក់រាជ្យសម្បត្តិដោយសារបញ្ហាសុខភាព៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia