វាជារឿងគួរស្លុតរន្ធត់ ដែលសង្គមបច្ចុប្បន្ននេះ ស្ត្រីជាច្រើនបានកំពុងរងទទួលការឈឺចាប់ពីអំពើហិង្សាក្នុងគ្រួសារ ។ ស្ត្រីភាគច្រើនបានសម្ងំលាក់ទុក្ខរបស់ខ្លួន និងព្យាយាមរក្សាទំនាក់ទំនងជីវិតគូឲ្យនៅគង់វង្ស ។ ហើយអ្នកខ្លះទៀត ក៏ចង់ប្រាប់អ្នកដទៃបានដឹងអំពីរឿងរ៉ាវអំពើហិស្សានេះ ប៉ុន្តែ ដោយខ្លាចពេក ក៏មិនហ៊ានធ្វើ ឬ និយាយអ្វីៗ ។
ទោះយ៉ាងណា ស្ត្រីម្នាក់ឈ្មោះ Nuel Raynes ដែលពុំអាចសម្ងំបៀមទុក្ខនេះតទៅទៀត ក៏សម្រេចចិត្តទម្លាយរឿងរ៉ាវរបស់ខ្លួន ដើម្បីឲ្យពិភពលោកបានដឹងអំពីការប្រើអំពើហិង្សាពីមិត្តប្រុស (ដែលឥឡូវនេះចែកផ្លូវគ្នា) មកលើទាំងរាងកាយ និងផ្លូវចិត្តរបស់នាង ។
នាងបានចែករំលែកបទពិសោធន៍ដ៏រន្ធត់របស់នាង ដែលស្ថិតក្នុងកណ្តាប់ដៃអតីតមិត្តប្រុសរបស់នាង ដែលបានប្រើអំពើហិង្សាមកលើរូបនាងឥតស្រាកស្រាន ។ តាមនាង នោះជម្លោះតូចតែងក្លាយជាហិង្សា ព្រោះតែមិត្តប្រុសរបស់នាង ខ្វះការអត់ធ្មត់ខ្លាំង ។
ទោះបីពួកគេមានកូនម្នាក់ជាមួយគ្នា តែ Reyes អះអាងថា មិត្តប្រុសរបស់នាងតែងធ្វើបាបចិត្ត និងវាយដុំច្រំធាក់នាងជារឿយៗ ។ ប៉ុន្តែ នាងបានខាំមាត់អត់ធ្មត់គ្រប់យ៉ាងអស់រយៈពេលច្រើនឆ្នាំមកហើយ ព្រោះនាងចង់រក្សាទំនាក់ទំនងនឹងកូនរបស់ពួកខ្លួន ។
ហេតុនេះ នាងចង់ចែករំលែកបទពិសោធន៍នៃការឈឺចាប់គ្រប់បែបយ៉ាងនេះ ឲ្យអ្នកផងបានដឹង និងបង្កើនការយកចិត្តទុកដាក់ ចំពោះអំពើហិង្សាប្រឆាំងនឹងស្ត្រី កុំឲ្យកើតមានអភ័ព្វដូចជារូបនាង ៕