ស្ទឹងត្រែង ៖ មន្ត្រីឧទ្យាននុរក្សដែនជម្រកសត្វសៀមប៉ាង និងសៀមប៉ាងលិច ខេត្តស្ទឹងត្រែង បានចុះល្បាត ក្នុងព្រៃដើម្បីការពារធនធានធម្មជាតិ និងសត្វព្រៃ ជីវៈចម្រុះគ្រប់ប្រភេទ បានប្រទះឃើញអន្ទាក់លាក់ទុកចោលក្នុងព្រៃមានអន្ទាក់ជ្រូកព្រៃចំនួន ៣៧ ខ្សែអន្ទាក់ និងអន្ទាក់មាន់ព្រៃចំនួន ៨៩ ខ្សែអន្ទាក់។
ក្រសួងបរិស្ថាននៅថ្ងៃទី ២៧ ខែឧសភានេះបានសរសេរនៅលើហ្វេសប៊ុកថា នៅថ្ងៃទី២៦ ខែឧសភា ឆ្នាំ ២០ត២០១៩ មន្ត្រីឧទ្យាននុរក្សដែនជម្រកសត្វសៀមប៉ាង និងសៀមប៉ាងលិច ខេត្តស្ទឹងត្រែងចំនួន៣នាក់ បានចុះល្បាត ដោយឆ្លងកាត់កំណាត់ផ្លូវដ៏លំបាកក្នុងព្រៃដើម្បីការពារធនធានធម្មជាតិ និងសត្វព្រៃ ជីវៈចម្រុះគ្រប់ប្រភេទ។ ជាលទ្ធផល ក្រុមមន្ត្រីឧទ្យានុរក្ស បានប្រទះឃើញអន្ទាក់លាក់ទុកចោលក្នុងព្រៃមានអន្ទាក់ជ្រូកព្រៃចំនួន៣៧ខ្សែអន្ទាក់ និងអន្ទាក់មាន់ព្រៃចំនួន៨៩ខ្សែអន្ទាក់ ហើយបានប្រមូលយកមករក្សាទុកនៅស្នាក់ការសៀមប៉ាង។
សូមនិយាយថាទេចំពោះសាច់សត្វព្រៃ និងចូលរួមថែរក្សាធនធានធម្មជាតិព្រៃឈើយើងទាំងអស់គ្នា៕ ដោយ ៖ កូឡាប