ភ្នំពេញ ៖ អ្នកនាំពាក្យរាជរដ្ឋាភិបាល បានយល់ឃើញថា ការអំពាវនាវរបស់ទណ្ឌិតឧទ្ទាមដែលកំពុងតែរស់នៅក្រៅប្រទេស គឺជាទង្វើញុះញង់ ពិតប្រាកដដល់ប្រជាពលរដ្ឋខ្មែរ គឺកំពុងបង្ហាញអំពីភាពទន់ខ្សោយនយោបាយហើយចង់ងាកមកប្រើប្រាស់ញើសឈាមនិងជីវិតប្រជាជនកម្ពុជាជាឈ្នាន់សម្រាប់ការវិលត្រឡប់មកវិញរបស់ពួកគេ។
អ្នកនាំពាក្យរាជរដ្ឋាភិបាលបានចេញសេចក្តី ថ្លែងការណ៍នៅថ្ងៃទី 27 ខែឧសភាឆ្នាំ 2018 នេះនេះដោយបានបញ្ជាក់ថាការលើកឡើងរបស់ទណ្ឌិត ឧទ្ទាមនៅក្រៅស្រុក ដូចដែលបានចុះផ្សាយនៅក្នុងសារព័ត៌មានមួយចំនួន នោះគឺរាជរដ្ឋាភិបាលកម្ពុជាមិនទទួលយកបានឡើយ ហើយរាជរដ្ឋាភិបាលនេះគឺកើតចេញពីការបោះឆ្នោតដោយប្រជាជនជាង 83 ភាគរយកន្លងទៅ និងជាឆន្ទៈរបស់រាស្ត្រដែលបានសម្រេចជ្រើសយកសន្តិភាពស្ថេរភាពនិងវិបុលភាពរួចបាត់ហើយ។
អ្នកនាំពាក្យរាជរដ្ឋាភិបាលបានយល់ឃើញថា ការអំពាវនាវរបស់ទ ណ្ឌិតឧទ្ទាមរូបនោះ គឺជាទង្វើញុះញង់ ពិតប្រាកដដល់ប្រជាពលរដ្ឋខ្មែរ គឺកំពុងបង្ហាញអំពីភាពទន់ខ្សោយនយោបាយហើយចង់ងាកមកប្រើប្រាស់ញើសឈាមនិងជីវិតប្រជាជនកម្ពុជាជាឈ្នាន់សម្រាប់ការវិលត្រឡប់មកវិញរបស់ពួកគេ។ ទង្វើរបស់ទណ្ឌិតឧទ្ទាមនេះនេះក៏បង្ហាញឲ្យឃើញផងដែរនូវភាពទាល់ច្រកផ្នែកនយោបាយហើយងាកមកប្រើប្រាស់ពាក្យសម្ដីពិសពុល និងព្រៃផ្សៃ។ នៅក្នុងស្ថានភាពនេះតម្រូវឲ្យអាជ្ញាធរមានសមត្ថកិច្ចត្រូវត្រៀមលក្ខណៈទាស់ក្នុងវិធានការនិងតម្លៃណាមួយក៏ដោយ ដើម្បីទប់ស្កាត់ទង្វើរបស់ក្រុមទណ្ឌិតឧទ្ទាមពីការបំផ្លាញភាពសុខក្សេមក្សាន្តនិងការអភិវឌ្ឍន៍របស់ប្រជាជននិងប្រជាជាតិនេះ។
អង្គភាពអ្នកនាំពាក្យយល់ឃើញផងដែរថា វោហាសាស្ត្ររបស់ទណ្ឌិតឧទ្ទាមនេះគ្រាន់តែជាវិទ្ធង្សនាចិត្តសាស្ត្រ នយោបាយ ដើម្បីប្រើប្រាស់រូបភាពប្រជាពលរដ្ឋខ្មែរក្នុងការលាក់បាំងនូវពុតត្បុត នយោបាយបម្រើមហិច្ឆតារបស់ខ្លួន ធ្វើឲ្យប៉ះពាល់ដល់ប្រយោជន៍និងបំផ្លាញចម្រុះរបស់ប្រជាជននិងប្រទេសជាតិតើតម្រូវឲ្យអាជ្ញាធរគ្រប់លំដាប់ថ្នាក់រៀនខ្ទប់នូវទង្វើក្រុមទណ្ឌិតឧទ្ទាមនេះជាយថាហេតុណាមួយ។
អង្គភាពអ្នកនាំពាក្យក្នុងឱកាសនោះដែរ ក៏សូមថ្លែងអំណរគុណសារជាថ្មីចំពោះប្រជាពលរដ្ឋទាំងអស់ដែលបានចាកចេញទៅបោះឆ្នោត និងគាំទ្រភ្លូកទឹកភ្លូកដីដល់គណបក្សប្រជាជនកម្ពុជាដែលមានសម្ដេចតេជោជាប្រធាននិងជានាយករដ្ឋមន្ត្រី ដើម្បីបន្តដឹកនាំប្រទេសឲ្យកាន់តែរីកចម្រើនលូតលាស់លើគ្រប់វិស័យផ្សេងៗទៀត ក៏ដូចជាបង្ហាញមុខមាត់ព្រះរាជាណាចក្រកម្ពុជានៅលើឆាកអន្តរជាតិ ជាប្រទេសដែលបានប្រែក្លាយខ្លួនពីប្រទេសក្រីក្រមកជាប្រទេសដែលពោរពេញដោយសន្តិភាព ។
ការចេញសេចក្តីថ្លែងការណ៍របស់អ្នកនាំពាក្យរដ្ឋាភិបាល បន្ទាប់ពីសម រង្ស៊ី កាលពីថ្ងៃទី២៥ ឧសភា ២០១៩ បានផ្តល់បទសម្ភាសន៍ ជាមួយវិទ្យុអាស៊ីសេរី ៖ “តើពេលណា ដែលអំណោយផល ឲ្យប្រជារាស្ត្រខ្មែរងើបឈរ ជាមួយកងកម្លាំងប្រដាប់អាវុធ ដើម្បីបញ្ចប់អំណាចផ្តាច់ការ និងគ្រួសារនិយម នៅកម្ពុជា? តើពេលណា ដែលអំណោយផល ឲ្យលោក សម រង្ស៊ី វិលត្រឡប់ មកកម្ពុជាវិញ?”៕ ដោយ៖កូឡាប