កំពង់ស្ពឺ ៖ នគរបាលខេត្តកំពង់ស្ពឺ ដែលចូលរួមក្នុងប្រតិបត្តិការដោយផ្ទាល់នោះ បានលើកឡើងថា គ្រាប់បែករបស់មហាអំណាច សហអាមេរិកមួយគ្រាប់ ទំងន់ 241Kg ត្រូវបានរកឃើញនៅក្នុងទឹកដីស្រុកភ្នំស្រួច ខេត្តកំពង់ស្ពឺ បេីគ្មានបច្ចេកទេស យកគឺអាចបង្កគ្រោះថ្នាក់ ។
នៅក្នុងទីតាំងមួយកន្លែង ស្ថិតក្នុងភូមិអូរកូនត្រុំ ឃុំត្រែងត្រយឹង ស្រុកភ្នំស្រួច ត្រូវបាន គេប្រទះឃេីញគ្រាប់បែក ជាប្រភេទទម្លាក់ពីលេីយន្ដហោះ មួយគ្រាប់ កាលពីថ្ងៃចន្ទ ទី២៧ ខែឧសភា ឆ្នាំ២០១៩ វេលាម៉ោង១២និង៣០នាទីត្រូវបានកំលាំងនគរបាល សហការជាមួយអង្គភាពកំចាត់មីនកម្ពុជា (CMAC) ចុះមកពិនិត្យយកគ្រាប់ខាងលេីចេញពីក្នុងរណ្ដៅដី គ្រាប់បែកម៉ាក MK82 ទំងន់ ២៤១ គីទ្បូក្រាម ប្រវែង១៦៨ សង់ទីម៉ែត្រ ប្រភេទ ២៧៥ មីលីម៉ែត្រ (The bomb was donated by USA)
គ្រាប់បែកសហអាមេរិកដែលបន្សល់ទុកនៅច្រេីន កន្លែងខុសៗគ្នាត្រូវបានរកឃេីញជាបន្ដបន្ទាប់ជាក់ស្ដែង គ្រាប់ បែករកឃើញពេលនេះគឺគ្រឿងចក្រកាយដីធ្វើស្រះទឹកនៅត្រង់ចំណុចភូមិកូនត្រុំ ឃុំអូរ ស្រុកភ្នំស្រួច ខេត្តកំពង់ស្ពឺ ស្ថិតក្នុងដីរបស់ឈ្មោះ អ៊ួង សុភ័ណ្ឌ ជាស្មៀនឃុំអូរ ឃើញក្នុងដី ជំរៅកប់ប្រហែល ៥ ម៉ែត្រ។
តាមការបញ្ជាក់ពីមន្ដ្រីជំនាញ (CMAC)បានឲ្យដឹងថាគ្រាប់បែកនេះ តាមការពិនិត្យគឺមិនទាន់ផ្ទុះឆេះទេ មូលហេតុអាចមកពីការទម្លាក់ចុះនោះដោយស្ថានភាពចាំបាច់បំផុត ទេីបមិនទាន់ផ្ទុះ បច្ចុប្បន្នកំលាំង (CMAC)បានដឹកជញ្ជូនយកចេញពីទីតាំងដេីម្បីយកទៅកម្ទេចចោលតាមលក្ខណៈបច្ចេកទេស ស្ថានភាពគ្រាប់នេះក្នុងករណីមិនយកតាមបច្ចេកទេសគឺអាចបង្កគ្រោះថ្នាក់។
លោកហេងរតនា អគ្គនាយកស៊ីម៉ាក់ក៏បានលើកឡើងផងដែរថា ថ្ងៃទី២៧ ខែឧសភា ឆ្នាំ ២០១៩នេះ កំលាំងជំនាញជាតិផ្ទុះ បានបោសសំអាតគ្រាប់បែកទម្លាក់ពីយន្តហោះប្រភេទMK82 ចំនួន២គ្រាប់នៅទីតាំង២ផ្សេងគ្នា គឺមួយគ្រាប់នៅឃុំអូរ ស្រុកភ្នំស្រួច ខេត្តកំពង់ស្ពឺ កប់ក្នុងដីជំរៅជិត៨ម៉ែត្រ និងមួយគ្រាប់ទៀតស្ថិតនៅឃុំកំពង់សឹង្ហ ស្រុកព្រះស្តេច ខេត្តព្រៃវែង គ្រាប់កប់ក្នុងដីជាង៤ម៉ែត្រ៕ ដោយ៖កូឡាប
