បន្ទាយមានជ័យ ៖ មជ្ឈមណ្ឌលចំណេះដឹងសហគមន៍មូលដ្ឋាននៅភូមិដំបូកវិល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ដែលជាផ្លែផ្កានៃកិច្ចសហប្រតិបត្តិការនៃគម្រោងសេដ្ឋកិច្ចគ្រប់គ្រាន់របស់ថៃ។ មន្ត្រីអាជ្ញាធរដែនដីនិងជំនាញនៃខេត្តបន្ទាយមានជ័យប្រទេសកម្ពុជា និងខេត្តស្រះកែវប្រទេសថៃ បានសម្ពោធដាក់អោយប្រើប្រាស់កាលពីថ្ងៃទី២៦ខែធ្នួឆ្នាំ២០១៧ ។
លោក ប្រាកថេប ភុនតេប ប្រធានការិយាល័យអភិវឌ្ឍន៍នៃសាលាខេត្តនិងលោកលោកភូស៊ីត ស៊ុំជីត អភិបាលរងនៃខេត្តស្រះកែវ ថ្លែងប្រហាក់ប្រហែលគ្នាថា ៖ មជ្ឈមណ្ឌលបណ្តុះបណ្តាលចំណេះដឹងដំបូកវិល នៅភូមិដំបូកវិលឃុំ-ស្រុកម៉ាឡៃខេត្តបន្ទាយមានជ័យនេះ ជាជំនួយរនៃកិច្ចសហប្រតិបត្តិការរវាងរដ្ឋបាលខេត្តស្រះកែវប្រទេសថៃនិងរដ្ឋបាលខេត្តបន្ទាយមានជ័យក្នុងគម្រោងសេដ្ឋកិច្ចមូលដ្ឋានគ្រប់គ្រាន់នៃអគ្គនាយកដ្ឋានអភិវឌ្ឍន័ជនបទ ក្រសួងមហាផ្ទៃថៃក្រោមព្រះរាជតម្រិះព្រះបាទបរមកោដ្ឋមហាភូមិប៊ុលអាឌុលយ៉ាដេត អតីតព្រះមហាក្សត្សថៃ។
លោកថ្លែងបន្តថា៖ គម្រោងនេះបានអនុវត្តដោយយកភូមិ-ស ជាភូមិគ្មានគ្រឿងញៀន ភូមិមានសុវត្ថិភាពគំរូដៃគូដូចជានៅទល់មុខគ្នានឹងភូមិដំបូកវិលនេះ គឺភូមិណងព្រឺ ឃុំចាក់សាន់ ស្រុកអារញ្ញ ខេត្តស្រះកែវ ដែលអនុវត្តដោយជោគជ័យនូវគម្រោងសេដ្ឋកិច្ចគ្រប់គ្រាន់ដូចជា ដាំបន្លែ ផ្លែឈើសុវត្ថិភាព ការចិញ្ចឹមត្រី កង្កែប អន្ទង់ មាន់ទា បណ្តុះផ្សិត ..ការផលិតដោយដៃនូវផលិតផលម្ហូបអាហារ របស់ប្រើប្រាស..ដើម្បីអោយពលរដ្ឋមានការងារធ្វើ មានចំណូលសមស្របជាប្រចាំ។
គម្រោងនេះ ភាគីថៃជាអ្នកគាំទ្រលើបច្ចេកទេស និងមូលនិធី ។ឯភាគីកម្ពុជាផ្តល់ទីតាំងនិងចូលរួមអនុវត្តយ៉ាងសកម្ម។ក្នុងនោះ ដំណើរការបានដំណើរការជាច្រើនឆ្នាំហើយ តែអគារការិយាល័យ កន្លែងបណ្តុះបណ្តាលនិងសម្ភារ:ឧបករណ៍ទាំងឡាយទើបតែកសាងរួច ហើយសម្ពោធដាក់អោយប្រើប្រាសពេលនេះ។
លោក អោម ចន្ថា អភិបាលរងខេត្តបន្ទាយមានជ័យថ្លែងអំណរគុណដល់ភាគីថៃ ខេត្តស្រះកែវដែលជួយគាំពារ ឧបត្ថម្ភក្នុងគម្រោងអភិវឌ្ឍន័ចំណេះដឹង វិជ្ជាជីវ:នៅសហគមន៍ជនបទក្នុងភូមិដំបូកវិលនេះ។ លោកសង្ឃឹមថា បើភូមិនេះជាភូមិគំរូលើការអភិវឌ្ឍន៍ជីវភាពពលរដ្ឋដែលនៅឆ្ងាយ ឬបដិសេធគ្រឿងញៀននោះ វានឹងជាគំរូឬបទពិសោធន៍សម្រាប់ភូមិដទៃទៀត ហើយស្នើសុំភាគីថៃពិនិត្យ សម្រេចជួយឧបត្ថម្ភបន្ថែមទៀត។
លោក អោម ចន្ថា ក្នុងនាមរដ្ឋបាលខេត្ត ខ្លួនលោកផ្ទាល់ សូមតាំងចិត្តផ្តល់នូវកិច្ចសហប្រតិបត្តិការលើគម្រោងនេះបន្តដោយពេញទំហឹង ព្រោះវានាំមកនូវសេចក្តីត្រូវការ និងដែលអាចចូលចិត្តធ្វើរបស់ប្រជាពលរដ្ឋកម្ពុជាផង និងស្របតាមគោលនយោបាយរបស់រាជរដ្ឋាភិបាលទាំង២ផង លើទំនាក់ទំនង កិច្ចសហប្រតិបត្តិការ មិត្តភាពនិងការអភិវឌ្ឃន៍នៅព្រំដែននៃប្រទេសភូមិផងរបងជាមួយផង៕ ដោយ ៖ បន្ទាយ