ភ្នំពេញ ៖ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានកសាងសំណុំរឿងបញ្ជូនជនសង្ស័យម្នាក់ឆក់កាបូបពីស្ត្រីជនជាតិចិនទៅសាលាដំបូងរាជធានីភ្នំពេញ នៅថនៅថ្ងៃទី២៨ ខែឧសភា ឆ្នាំ២០១៩ ដើម្បីចាត់ការនីតិវិធី។
កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យម្នាក់ ឆក់កាបូបពីស្ត្រីជនជាតិចិន ដែលប្រព្រឹត្តនៅចំណុចផ្លូវលេខ១៦៣ កែងផ្លូវលេខ៤១៨ ក្រុម២១ ភូមិ៣ សង្កាត់ទួលទំពូង២ ខណ្ឌចំការមនកាលពីកាលពីថ្ងៃទី២០ ខែឧសភា ឆ្នាំ២០១៩ វេលាម៉ោង១៥និង២០នាទី ។
ការឃាត់ខ្លួនជនសង្ស័យនេះ បានធ្វើឡើងកាលពីថ្ងៃទី២៣ ខែឧសភា ឆ្នាំ២០១៩ វេលាម៉ោង២១និង៣០នាទី នៅចំណុចមុខផ្ទះលេខ១៩អា ផ្លូវលេខ៣២៤ សង្កាត់បឹងសាឡាង ខណ្ឌទួលគោក រាជធានីភ្នំពេញ និងចាប់យកម៉ូតូជាមធ្យោបាយជិះធ្វើសកម្មភាព ដែលពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបយួរដៃ ពណ៌ផ្ទៃមេឃ ) និងបានបញ្ជូនមកការិយាល័យដើម្បីសាកសួរចាត់ការតាមនីតិវិធី ។
ជនសង្ស័យឈ្មោះ ចាន់ សុខពៅ ហៅ សុង ពៅ ហៅ ពៅម៉ាប់ ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ១៩អា ផ្លូវលេខ៣២៤ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
វត្ថុតាងចាប់យក ៖ ម៉ូតូម៉ាកហុងដាឃ្លីក ពណ៌ទឹកប្រាក់ ឆ្នាំផលិត២០១៩ លេខតួ ០០៣២២៧៩ លេខម៉ាស៊ីន ០០៣២២៧៩ ពាក់ស្លាកលេខភ្នំពេញ១HQ-៣២១៧ ។
ជនរងគ្រោះឈ្មោះ Zhang LiLi ភេទស្រី អាយុ៤២ឆ្នាំ ជនជាតិចិន កាន់លិខិតឆ្លងដែនលេខ ស្នាក់នៅភូមិរាម ឃុំរាម ស្រុកព្រៃនប់ ខេត្តព្រះសីហនុ មុខរបរ បុគ្គលិកក្រុមហ៊ុន ។
សម្ភារបាត់បង់ ៖ កាបូបយួរដៃ ពណ៌ផ្ទៃមេឃ ចំនួន ០១, លិខិតឆ្លងដែន ចំនួន ០១, ប្រាក់ដុល្លារ ចំនួន ៥០០០ដុល្លារអាមេរិក, ទូរស័ព្ទដៃ ចំនួន០២ គ្រឿង ម៉ាកអាយហ្វូនស៊ិចផ្លឹស ស៊ីមកាតលេខ ០៨៨៣៨៧០៨៨៨ ម៉ាកអាយហ្វូនអ៊ិច ពណ៌ ទឹកមាស ស៊ីមកាតលេខ +១៣៦០៦៣០២២១៧បណ្ណ័ បើកបររថយន្ត ចំនួន០១ ។
បច្ចុប្បន្នជនសង្ស័យនិងវត្ថុតាងខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕ ដោយ៖កូឡាប
