ប្រទេសម៉ាឡេស៊ីនឹងធ្វើការដឹកសំរាមប្លាស្ទិចចំនួន ៤៥០តោន ទៅកាន់ប្រទេសដើមវិញដែលបានដឹកយកមកប្រទេសខ្លួន ដែលវិធានការនេះគឺម៉ាឡេស៊ីចង់បញ្ជាក់ថា ប្រទេសខ្លួនមិនមែនជាកន្លែងចាក់សំរាមរបស់ពិភពលោកទេ។
កាលពីថ្ងៃអង្គារម្សិលមិញនេះ តុងតឺណឺចំនួន ៩ត្រូវបានគេរកឃើញថាមានផ្ទុកសំរាមប្លាស្ទិកដែលមិនមានឈ្មោះ និងមិនមែនជាប្រភេទសំរាមកែច្នៃឡើងវិញ ដែលសំរាមទាំងនោះមានដូចជាសំណល់ពីគេហដ្ឋាន និងសំណល់អេឡិចត្រូនិច។
រដ្ឋមន្ត្រីថាមពល វិទ្យាសាស្ត្រ បច្ចេកវិទ្យា បរិស្ថាន និងបំរែបំរួលអាកាសធាតុម៉ាឡេស៊ីឈ្មោះ Yeo Bee Yin បាននិយាយថា សំរាមប្លាស្ទិចទាំងនោះត្រូវបានដឹកមកពីអាមេរិច ចក្រភពអង់គ្លេស អូស្ត្រាលី ជប៉ុន ចិន អារ៉ាប់ប៊ី សាអូឌី បង់ក្លាដេស ហូឡង់ និងសិង្ហបុរី។
សូមបញ្ជាក់ថា កាលពីខែមុន ប្រទេសនេះ បានដឹកសំរាមចំនួន ៥កុងតឺន័រ ត្រឡប់ទៅកាន់ប្រទេសអេស្ប៉ាញវិញ៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN
