មន្ត្រីជាន់ខ្ពស់ផ្នែកច្បាប់របស់ក្រុមហ៊ុន Huawei បាននិយាយថា វិធានការរបស់អាមេរិចក្នុងការដាក់ Huawei ក្នុងក្រុមបញ្ជីខ្មៅរបស់ខ្លួននឹងធ្វើឲ្យមានគ្រោះថ្នាក់ខ្លាំង ដែលនឹងប៉ះពាល់ដល់អ្នកប្រើប្រាស់រាប់ពាន់លាននាក់។
លោក Song Liuping បានថ្លែងថា វិធានការនោះក៏នឹងអាចប៉ះពាល់ដោយផ្ទាល់ដល់ក្រុមហ៊ុនអាមេរិច រាប់ពាន់ និងការងាររាប់មុឺនកន្លែងនៅអាមេរិចផងដែរ។
ទីក្រុងវ៉ាស៊ីនតោនកាលពីពេលថ្មីៗនេះ បានដាក់បញ្ជូល Huawei ក្នុងបញ្ជីខ្មៅ ដែលមិនអោយក្រុមហ៊ុន អាមេរិចទាំងអស់ធ្វើជំនួយជាមួយបាន។ ជាលទ្ធផល ក្រុមហ៊ុនអាមេរិចជាច្រើន ដូចជាក្រុមហ៊ុន Google បានប្រកាស់ឈប់ធ្វើជំនួញជាមួយ Huawei។
អាមេរិចបានឈប់ប្រើប្រាស់ផលិតផលរបស់ក្រុមហ៊ុន Huawei ព្រោះអាមេរិចមានការព្រួយបារម្ភថា ក្រុមហ៊ុនយក្សចិននោះប្រើប្រាស់ឧបរណ៍របស់ខ្លួនដើម្បីធ្វើចារកម្ម ព្រោះស្ថាបនិក និងនាយកប្រតិបត្តិរបស់ក្រុមហ៊ុននេះជាអតីតមេយោធារបស់ចិន។
ទោះយ៉ាងណា Huawei នៅតែធ្វើការបដិសេធដដែលថា ផលិតផលរបស់ខ្លួនប៉ះពាល់ដល់សន្តិសុខ និងបានបញ្ជាក់ថា ក្រុមហ៊ុនខ្លួនឯងរាជ្យ មិនជាប់ពាក់ព័ន្ធនឹងរដ្ឋាភិបាលចិននោះឡើយ។
លោក Song Liuping បញ្ជាក់ថា “ការសម្រេចចិត្តរបស់អាមេរិចធ្វើឲ្យប៉ះពាល់អ្នកដល់អ្នកប្រើប្រាស់ក្នុងប្រទេសជាង ១៧០ រួមមានមនុស្ស ជាង៣ពាន់លាននាក់ដែលប្រើប្រាស់ផលិតផល និងសេវាកម្មរបស់ Huawei ទូទាំងពិភពលោក”។
លោកបន្ថែមថា “ការដែលហាមប្រាមក្រុមហ៊ុនអាមេរិចមិនអោយធ្វើជំនួញអាមួយ Huawei វានឹងធ្វើឲ្យប៉ះពាល់ដោយផ្ទាល់ដល់ក្រុមហ៊ុនអាមេរិចច្រើនជាង ១.២០០ក្រុមហ៊ុន។ វាក៏នឹងប៉ះពាល់ដល់ការងារអាមេរិចរាប់មុឺនផងដែរ”។
សូមបញ្ជាក់ថា ក្រៅពីប្រកាសរាំងខ្ទប់ការប្រើប្រាស់ផលិតផលរបស់ Huawei អាមេរិចក៏បានបញ្ចុះបញ្ចូលសម្ព័ន្ធមិត្តរបស់ខ្លួនឲ្យដើរតាមគន្លងរបស់ខ្លួនដែរ ដោយលើកឡើងពីបញ្ហាសន្តិសុខជាតិ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC