តាម Daily Mail ឆ្កែតូចមួយក្បាលឈ្មោះ Dumb Blonde រស់នៅលើកោះ Goat លើទន្លេ Adelaide នៃរដ្ឋ Northern Territory, អូស្ត្រាលី។ វាពុំមានសភាពភ័យខ្លាចរាល់ពេលប្រឈមមុខនឹងក្រពើដែលមានទំហំធំជាងវាច្រើនដង។
ម្ចាស់របស់ឆ្កែក្លាហានមួយក្បាលនេះ ដ៏ល្បីល្បាញដោយសារតែឆ្កែរបស់គាត់បានធ្វើការដេញក្រពើរត់ពីទីគោកចុះទៅក្នុងទឹកក្នុងអំឡុងច្រើនឆ្នាំកន្លងមក។
ឆ្កែតូចមួយក្បាលនេះ ខាំកន្ទុយក្រពើ ខណៈពេលក្រពើកំពុងរត់ប្រាស់អាយុ មកទល់ពលនេះអ្នករស់នៅតំបន់នោះ នៅពុំទាន់យល់បានថា ហេតុអ្វីបានជាក្រពើទាំងនោះ បែរជាស្លន់ស្លោររត់ត្របាញ់ចុះទឹក ខណៈពេលវាអាចសម្លាប់ឆ្កែនេះ ធ្វើជាចំណីបានយ៉ាងងាយ។
ម្ចាស់របស់វាលោក Hansen, និយាយថា គ្រាដំបូងគឺឆ្កែអាយុ ១០ឆ្នាំនេះ បានប្រដេញក្រពើមួយក្បាលនៅលើគោកឲ្យធ្លាក់ចុះទឹក ហើយវាសម្តែងកាយវិការរីករាយណាស់ ដំបូងខ្ញុំក៏ខ្វល់ខ្វាយដែរ តែពុំអាចរារាំងវាបាន។ ព្រោះថាហេតុផលតែមួយគត់អាចរាំងស្កាត់វា គឺញាត់វាក្នុងទ្រុងតែប៉ុណ្ណោះ។
ម្ចាស់របស់វាមិនដឹងជាមូលហេតុអ្វីបានជាក្រពើខ្លាចឆ្កែរបស់គាត់យ៉ាងនេះ៕ ចន្ទ្រា
