មនុស្សចំនួនយ៉ាងតិចណាស់ ៧នាក់បានស្លាប់ និង ១៩នាក់ផ្សេងទៀតបានបាត់ខ្លួន ក្រោយពេលទូកទេសចរណ៍មួយគ្រឿងបានលិចនៅក្នុងទន្លេ Danube ស្ថិតក្នុងទីក្រុង Budapest ប្រទេសហុងគ្រី។ នេះបើតាមការចេញផ្សាយរបស់ BBC នៅមុននេះបន្តិច។
មុនពេលកើតហេតុ មានភ្ញៀវទេសចរចំនួន ៣៣នាក់នៅលើទូ ដែលភាគច្រើនជាអ្នកទេសចរមកពីប្រទេសកូរ៉េខាងត្បូង។ ទូកទេសចរណ៍នោះទេស ក្រោយពេលមានទូកផ្សេងមួយទៀតបានបុកវា ខណៈពេលវាកំពុងចូលចត។
ហេតុការណ៍នោះកើតឡើងកាលពីថ្ងៃរសៀល ម្សិលមិញ។
ក្រសួងការបរទេសកូរ៉េខាងត្បូងបានធ្វើការបញ្ជាក់ថា ជនជាតិកូរ៉េខាងត្បូងចំនួន ១៩នាក់បានបាត់ខ្លួន។ ក្រសួងដដែលថ្លែងថា រដ្ឋាភិបាលកូរ៉េខាងត្បូងគ្រោងបញ្ជូនក្រុមមន្ត្រីរបស់ខ្លួនទៅកាន់ប្រទេសហុងគ្រី។
ក្រុមសង្គ្រោះកំពុងដុតដៃជើង ដើម្បីស្វែងរកសាកសពអ្នកដែលបានបាត់ខ្លួន។
សូមបញ្ជាក់ថា ទន្លេ Danube ជាកន្លែងទាក់ទាញភ្ញៀវទេសចរយ៉ាងសំខាន់នៅក្នុងទីក្រុង Budapest ប៉ុន្តែទឹកទន្លេបានឡើងយ៉ាងខ្លាំង ក្រោយពេលមានភ្លៀងធ្លាក់ខ្លាំង ដែលធ្វើឲ្យមានចរន្តទឹកហូរខ្លាំង៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC