កំពង់ស្ពឺ ៖ នាយឧត្តមសេនីយ៍ ប៉ែន វិបុល អគ្គស្នងការរង បានណែនាំដល់កងកម្លាំងនគរបាលទាំងអស់ ត្រូវបង្កើនស្នាដៃថ្មីៗបន្ថែមទៀត និងការអនុវត្ដន៍តាមឋានានុក្រម ពីលេីចុះក្រោមមន្ដ្រីល្អមានស្នាដៃ ត្រូវចេះលេីកសរសើរផ្ដល់កិត្ដិយស មន្ត្រីអសកម្មប្រព្រឹត្តផ្ទុយពីគោលការណ៍បទបញ្ជាវិន័យ កងកម្លាំងត្រូវដាក់ពិន័យអប់រំកែ ប្រែកំហុសករណីធ្ងន់ធ្ងរ ត្រូវតែកាត់ស្នេីបណ្ដេញចេញពីក្របខ័ណ្ឌនគរបាលជាតិ ។
នារសៀលថ្ងៃទី៣០ ខែឧសភា ឆ្នាំ២០១៩ នៅស្នងការដ្ឋាននគរបាលខេត្ដកំពង់ស្ពឺ មានពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្តិ ជូនដល់មន្ត្រីនគរបាលជាតិនៃស្នងការដ្ឋាននគរបាលខេត្ដកំពង់ស្ពឺ ក្រោមអធិបតីភាពដ៏ខ្ពង់ខ្ពស់ លោក នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក និងមានការអញ្ញេីញចូលរួមពី លោក វុី សំណាង អភិបាល នៃគណៈអភិបាលខេត្តកំពង់ស្ពឺ ។
តាមរបាយការណ៍ស្វាគមន៍ដែលអានដោយ លោកឧត្ដមសេនីយ៍ទោ សម សាមួន ស្នងការនគរបាលខេត្ត បានគូសបញ្ជាក់អោយដឹងថា ស្នងការដ្ឋានគរបាលខេត្ត បច្ចុប្បន្នមានអគារបំពេញធ្វេីការចំនួន ៩ខ្នង រោងដាក់រថយន្ដពន្លត់អគ្គិភ័យ អគារកម្លាំងអន្ដរាគមន៍ដែលទេីបតែធ្វេីការជួសជុលកែលម្អឲ្យមានលក្ខណៈប្រចាំការស្នាក់នៅផង ធ្វើការងាររដ្ឋបាលប្រចាំថៃ្ងផង រោងបាយហូបលក្ខណៈប្រមូលផ្ដុំ ឃ្លាំងទុកដាក់គ្រឿងបំពាក់ឧបករណ៍សម្ភារៈមួយចំនួនទៀតជាលក្ខណៈត្រៀមអន្ដរាគមន៍ ២៤ ម៉ោងលេី២៤ម៉ោងក្នុងកិច្ចការចាំបាច់ជួយអន្ដរាគមន៍លេីការ រក្សាសន្ដិសុខ សុខសុវត្ថិភាពជូនប្រជាពលរដ្ឋ និងសង្គម។
មានប្រសាសន៍ផ្ដាំផ្ញើនាឱកាសនេះ លោកអភិបាលខេត្ត បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងនគរបាលខេត្ដ ពិសេសក្រោមការដឹកនាំពីសំណាក់លោក នាយឧត្តមសេនីយ៍អគ្គស្នងការនគរបាលជាតិ បានធ្វេីឲ្យកងកម្លាំងនគរបាល មានការទទួលខុសត្រូវខ្ពស់និងសម្រេចបានជោគជ័យស្នាដៃធំៗ ក្នុងការបំពេញភារកិច្ច និងបម្រើផលប្រយោជន៍ជូនសង្គមជាតិ និងភាពសុខុដរមនានៅទូទាំងផ្ទៃប្រទេស និងមានសុខសន្ដិភាពជូនប្រជាពលរដ្ឋ ។
លោកនាយឧត្ដមសេនីយ៍ ប៉ែន វិបុល អគ្គស្នងការរងនគរបាលជាតិ វាយតម្លៃខ្ពស់ចំពោះ កិច្ចការដឹកនាំអនុវត្ដបំពេញភារកិច្ចកន្លងមករបស់កងកម្លាំងនគរបាល ចំណុះស្នងការដ្ឋាននគរបាលខេត្ដ ពិសេសលោកអភិបាលខេត្តជាប្រធានគណៈបញ្ជាការឯកភាពខេត្ដដែលជាមេបញ្ជាការដ៏ល្អក្នុងការដឹកនាំចង្អុលការជំរុញដល់កិច្ចការសហការសម្របសម្រួលគ្រប់ការងារទាំងអស់ដែលអាចផ្ដល់ឱកាសដល់កងកម្លាំងឲ្យបំពេញនិងអនុវត្ដន៍តាមឋានានុក្រមតួនាទីភារកិច្ចបានល្អប្រសេីរ លុបបំបាត់បាននូវភាពអសកម្មការងារទទួលបានជោគជ័យ ជាក់ស្តែងថៃ្ងនេះមន្ដ្រីនគរបាលជាតិ នៃស្នងការដ្ឋាននគរបាលខេត្ដកំពង់ស្ពឺ ត្រូវបានការផ្ដល់កត្ដិយសលេីកសរសេីរពីថ្នាក់ដឹកនាំផ្ដល់នូវការដំឡើងឋានន្ដស័ក្កិជាការបង្ហាញអោយឃេីញថាជានិច្ចកាលការខិតខំបំពេញភារកិច្ចគឺត្រូវបានការតបស្នងពីថ្នាក់ដឹកនាំក្រសួងមហាផ្ទៃ ក៏ដូចជាអគ្គស្នងការនគរបាលជាតិ ។
ចុងក្រោយលោក នាយឧត្ដមសេនីយ៍ “សូមឲ្យកងកម្លាំងនគរបាលទាំងអស់ត្រូវបង្កើនស្នាដៃថ្មីៗបន្ថែមទៀត ពិសេសការសាមគ្គឺភាពផ្ទៃក្នុងគឺជាកត្ដាស្លាប់រស់ អង្គភាពមួយមានការឯកភាពគ្នារវាងមេបញ្ជាការ មន្ត្រីគ្រប់ផ្នែកគ្រប់ថ្នាក់គឺលទ្ធផលជោគជ័យ១០០ភាគរយ ផ្ទុយទៅវិញបេីមិនការឯកភាពគ្នាទេគឺបរាជ័យដដូច្នេះគឺការអនុវត្ដន៍តាមឋានានុក្រមពីលេីចុះក្រោមមន្ដ្រីល្អមានស្នាដៃត្រូវចេះលេីកសរសើរផ្ដល់កិត្ដិយស មន្ត្រីអសកម្មប្រព្រឹត្តផ្ទុយពីគោលការណ៍បទបញ្ជាវិន័យកងកម្លាំងត្រូវដាក់ពិន័យអប់រំកែប្រែកំហុសករណីធ្ងន់ធ្ងរត្រូវតែកាត់ស្នេីបណ្ដេញចេញពីក្របខ័ណ្ឌនគរបាលជាតិ”៕ ដោយ ៖ កូឡាប
