ភ្នំពេញ ៖ កម្លាំងនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ នៅថ្ងៃទី៣០ ខែឧសភា ឆ្នាំ២០១៩ បានបញ្ជូនជនសង្ស័យ៣នាក់ ទៅតុលាការដើម្បីចាត់ការតាមនីតិវិធី ពាក់ព័ន្ធករណីលួចម៉ូតូ ៣ ករណី។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានឱ្យដឹងថា ជនសង្ស័យត្រូវបាន កម្លាំងជំនាញស្រាវជ្រាវឃាត់ខ្លួន កាលពីថ្ងៃទី២៧ ខែឧសភា ឆ្នាំ២០១៩ ។
ករណីទី១. អំពើលួច(ម៉ូតូម៉ាកហុងដាសេ១២៥ ពណ៌ខ្មៅ លេខតួ-លេខម៉ាស៊ីន ៨៤៥៧២៤៥ ពាក់ស្លាកលេខកណ្តាល ១ L-១១១៤) នៅចំណុចផ្ទះជួលគ្មានលេខ ផ្លូវលំ ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កាលពីថ្ងៃទី២២ ខែឧសភា ឆ្នាំ២០១៩ វេលាម៉ោង០២និង ៣០នាទី។ ជនរងគ្រោះឈ្មោះ ចន្ទ ស្រីណាន់ ភេទស្រី អាយុ១៩ឆ្នាំ ជនជាតិខ្មែរ ស្នាក់នៅផ្ទះជួលគ្មានលេខ ផ្លូវលំ ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ មុខរបរសិស្ស។ សម្ភារៈបាត់បង់ៈម៉ូតូម៉ាកហុងដាសេ១២៥ ពណ៌ខ្មៅ លេខតួ-លេខម៉ាស៊ីន៨៤៥៧២៤៥ ពាក់ស្លាកលេខ កណ្តាល ១ L-១១១៤ ។
ករណីទី២. អំពើលួច(ម៉ូតូម៉ាកហុងដាNBC ពណ៌ខ្មៅ ផលិតឆ្នាំ២០១១ លេខតួ៨០០២៤៣៣ ពាក់ស្លាកលេខ ស្វាយរៀង១L-៤១៦៣) នៅចំណុចផ្ទះជួលគ្មានលេខ ផ្លូវលំ ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កាលពីថ្ងៃទី២២ ខែឧសភា ឆ្នាំ២០១៩ វេលាម៉ោង ០២និង៣០នាទី។
ជនរងគ្រោះឈ្មោះ សៅ បញ្ញា ភេទប្រុស អាយុ២៦ឆ្នាំ ជនជាតិខ្មែរ ស្នាក់នៅផ្ទះជួលគ្មានលេខ ផ្លូវលំ ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ មុខរបរសិស្ស។ សម្ភារៈបាត់បង់ៈម៉ូតូម៉ាកហុងដាNBC ពណ៌ខ្មៅ ផលិតឆ្នាំ២០១១ លេខតួ៨០០២៤៣៣ ពាក់ស្លាកលេខ ស្វាយរៀង១L-៤១៦៣។
ករណីទី៣៖ អំពើលួច (ម៉ូតូម៉ាកយ៉ាម៉ាហាអេហ្វហ្សិត១៥៣ ពណ៌ក្រហម លេខតួ២០០២៦១១ លេខម៉ាស៊ីន ៤០០២៥៤៣ ពាក់ស្លាកលេខ ភ្នំពេញ ១CA-៧៤៤៣) នៅចំណុចផ្ទះជួលគ្មានលេខ ផ្លូវលំ ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កាលពីថ្ងៃទី០៦ ខែ ឧសភា ឆ្នាំ២០១៩ វេលាម៉ោង០៥និង៣០នាទី។
ជនរងគ្រោះឈ្មោះ គាត វិច្ឆិកា ភេទប្រុស អាយុ២៣ឆ្នាំ ជនជាតិខ្មែរ ស្នាក់នៅផ្ទះលេខ២៩ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ មុខរបរលក់ដូរ។ សម្ភារៈបាត់បង់ម៉ូតូម៉ាកយ៉ាម៉ាហាអេហ្វហ្សិត១៥៣ ពណ៌ក្រហម លេខតួ ២០០២៦១១ លេខម៉ាស៊ីន ៤០០២៥៤៣ ពាក់ស្លាកលេខ ភ្នំពេញ១CA-៧៤៤៣។
ជនសង្ស័យទី១-ឈ្មោះ ប៉ា សារ៉ូ ហៅហ្គីល ភេទប្រុស អាយុ ២២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ផ្លូវលំ ក្រុម៦ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ឃាត់ខ្លួនថ្ងៃទី២៧ ខែឧសភា ឆ្នាំ២០១៩ វេលាម៉ោងប្រហែល០៧និង២០នាទី នៅចំណុចផ្ទះជួល ផ្លូវលំ ក្រុម៦ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ, ទី២-ឈ្មោះ ពុំ ផល្លី ភេទប្រុស អាយុ៣៤ឆ្នាំ ជនជាតិខ្មែរ មុខរបរជាងជួសជុលម៉ូតូ ស្នាក់នៅផ្ទះគ្មានលេខ ផ្លូវលំ ភូមិអណ្តូង២ សង្កាត់គោករកា ខណ្ឌព្រែកព្នៅ រាជធានីភ្នំពេញ ឃាត់ខ្លួនកាលពីថ្ងៃទី២៧ ខែឧសភា ឆ្នាំ២០១៩ វេលាម៉ោង១២និង០៥នាទី នៅចំណុចផ្ទះគ្មានលេខ ផ្លូវលំ ភូមិអណ្តូង២ សង្កាត់គោករកា ខណ្ឌព្រែកព្នៅ រាជធានីភ្នំពេញ និងទី៣-ឈ្មោះ ហៀង សីហា ភេទប្រុស អាយុ២៩ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលលេខ៩ ផ្លូវបេតុង ភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ឃាត់ខ្លួនថ្ងៃទី២៧ ខែឧសភា ឆ្នាំ២០១៩ វេលាម៉ោង១១និង០៥នាទី នៅចំណុចបន្ទប់ជួលលេខ៩ ផ្លូវបេតុង ភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។
វត្ថុតាងនិងភស្តុតាងចាប់យកៈម៉ូតូម៉ាកយ៉ាម៉ាហាអេហ្វហ្សិត១៥៣ ពណ៌ក្រហម លេខតួ ២០០២៦១១ លេខម៉ាស៊ីន ៤០០២៥៤៣ ពាក់ស្លាកលេខ ពោធិ៍សាត់ ១G-១១៥០ ជារបស់ជនរងគ្រោះឈ្មោះ គាត វិច្ឆិកា (ចាប់យកពីឈ្មោះ ហៀង សីហា), ឧបករណ៍សម្រាប់កឹបលេខម៉ូតូចំនួន០៣,សន្ទះកុងទ័រម៉ូតូ ចំនួន០៣, តែមម៉ូតូ ចំនួន០២, កូនសោ ដង្កាប់ និងទួឡឺវីសមួយចំនួន, ក្បាំងម៉ូតូចំនួន ០៣គូ, ស្តុបម៉ូតូចំនួន០២, ម៉ូតូម៉ាកហុងដាផានទុម ពណ៌ក្រហម លេខតួ ២០០-០០២៥៣៤៥ ពាក់ស្លាកលេខ ក្រចេះ ១B-៥៦១១,ម៉ូតូម៉ាកCBR ពណ៌ខ្មៅ លេខតួ ១១០០០១៦៧ ពាក់ស្លាកលេខ ភ្នំពេញ ១CD-៨៨៦១, ម៉ូតូហុងដាសេ១២៥ អត់អាវ លេខតួលេខម៉ាស៊ីន ៥២៨៥៤ គ្មានស្លាកលេខ (ចាប់យកពីឈ្មោះ ពុំ ផល្លី), ម៉ូតូម៉ាកហុងដាសេ១២៥ ពណ៌ខ្មៅ ផលិតឆ្នាំ២០១៦ គ្មានលេខតួ-លេខម៉ាស៊ីននិងគ្មានស្លាកលេខ -ស្លាកលេខម៉ូតូ ភ្នំពេញ ១BF-២១៣៨ ចំនួន០១បន្ទះសោទីបលេខ០៨ រាងអក្សតេ(T) ចំនួន០១ដើម, ដែកគាស់ប្រវែង៤៨សង់ទីម៉ែត្រចំនួន០១បន្ទះ,ញញួរដងអ៊ីណុក ប្រវែង៤១សង់ទីម៉ែត្រចំនួន០១, ទួឡឺវីស ដងជ័ររូបទង់ជ័យអាមេរិកចំនួន ០១,ឧបករណ៍សម្រាប់កឹបចំនួន០១, ចង្អើរម៉ូតូចំនួន ០៤, គំរបមុខម៉ូតូម៉ាកហុងដា១២៥ ពណ៌ខ្មៅ ចំនួន ០៤ គំរប (ចាប់យកពីឈ្មោះ ប៉ា សារ៉ូ ហៅ ហ្គីល) ៕ ដោយ ៖ កូឡាប
