ប្រធានាធិបតីអាមេរិចបានប្រកាសកំណត់ពន្ធលើទំនិញទាំងអស់នាំចូលពីប្រទេសម៉ិចស៊ីកូ ដែលវិធានការនេះគឺដើម្បីទប់ស្កាត់បញ្ហាលំហូរចូលអន្តោប្រវេសន៍ខុសច្បាប់។
នៅក្នុង Twitter លោកត្រាំ បានប្រកាសថា ចាប់ពីថ្ងៃទី ១០ ខែមិថុនាទៅ នឹងមានការយកពន្ធ ៥ភាគរយលើទំនិញនាំចូលពីប្រទេសម៉ិចស៊ីកូ ហើយពន្ធនោះនឹងឡើងបន្តទៀត រហូតទាល់តែបញ្ហាអន្តោប្រវេសន៍ខុសច្បាប់ត្រូវបានដោះស្រាយ។
សូមបញ្ជាក់ថា មានជនអន្តោប្រវេសន៍ជាច្រើននាក់បានព្យាយាមភាសខ្លួនចូលសហរដ្ឋអាមេរិចដើម្បីស្វែងរកជីវិតថ្មី។ លំហូរចូលអន្តោប្រវេសន៍មិចស៊ិចកូឥតឈប់ បណ្តាលឲ្យលោកដូណាល់ ត្រាំប្រកាស ប្រទេសស្ថិតក្នុងគ្រោះអាសន្ន ដើម្បីដោះស្រាយបញ្ហានោះ ដោយគាត់អះអាងថា វាគឺជាវិបត្តិនៅព្រំដែន។
ជុំវិញបញ្ហាអន្តោប្រវេសន៍នេះដែរ លោកដូណាល់ ត្រាំ ក៏បានប្រកាសឲ្យមានការសាងសង់ជញ្ជាំងព្រំដែនផងដែរ ដើម្បីទប់ស្កាត់បញ្ហាអន្តោប្រវេសន៍៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
