បន្ទាយមានជ័យ ៖ មហាជនអ្នកចូលរួមនិងមន្ត្រីបានទទួលស្គាលនិងអះអាងបើមិនកម្ចាត់សម្រាមមុនទេ សម្រាមនឹងបំផ្លាញយើងហើយ។ នេះបើតាមការអំពាវនាវកាលពីថ្ងៃទី២៧ធ្នូឆ្នាំ២០១៧ ក្នុងយុទ្ធនាការអនាម័យបរិស្ថាននាក្រុងប៉ោយប៉ែតខេត្តបន្ទាយមានជ័យ ។
ក្នុងពិធីនាបរិវេណវត្តបាលិលេយ្យភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យលោក សាន ស៊ានហូ អភិបាលក្រុងប៉ោយប៉ែតនិយាយថា៖ “យុទ្ធនាការនេះដើម្បីដាស់សតិអារម្មណ៍មន្ត្រី ប្រជាពលរដ្ឋ យុវជន យុវនារីឲ្យបានដឹងឲ្យកាន់ច្បាស់ថាសំរាម”។
សូមបញ្ជាក់ថា សម្រាមគឺសំដៅលើវត្ថុរឹង រាវ ដូចជាវត្ថុសល់ពីមនុស្សហូបពីហូបមានដូចជា បន្លែបង្ការ សល់ពីម្ហូប ពិសេសចាប់អារម្មណ៍បំផុកនោះគឺសំបកស្នោរ និងចង្កឹះ ដែលគេផលិតសុទ្ធតែដាក់ជាតិគីមីយកទៅដាក់នំចំណីឲ្យយើងហូបនៅពេលដែលយកវាទៅហូបអាចក្លាយទៅជាជម្ងឺដ៏កាសាហាវនៅក្នុងខ្លួនយើង។
សូមរំលឹកថា ការផ្សព្វផ្សាយអំពីបរិស្ថានដល់ប្រជាពលរដ្ឋះ បានកត់សម្គាល់ថា សម្រាមជាអាវុធ ជាមេរោគនិងជាសត្រូវដ៏គ្រោះថ្នាក់ ហើយអាចបង្កអោយមនុស្សគ្រោះថ្នាក់ អាចសម្លាប់មនុស្ស។ ដូច្នេះមនុស្សត្រូវតែរួមគ្នាមុន ក្នុងការគ្រប់គ្រង បោសសម្អាតកម្ទេចសម្រាមនៅជុំវិញផ្ទះនិងនៅជុំវិញផ្លូវឬទីសាធារណៈ។
ដោយឡែកនៅក្រុងប៉ោយប៉ែតសូមបងប្អូនមានការយល់ដឹងច្រើន ចេះសំអាតនៅទីធ្លាផ្ទះ ចេះវិចខ្ចប់សំណល់រឹងរាវ ចែកពីគ្នាដាច់ហើយយកទៅដាក់ក្នុងធុងសំរាមមានរបៀបរាបរយទើបសម្រាមមិនសម្លាប់យើងវបាន។ ហេតុនេះ សូមគ្រប់គ្នានៅក្រុងនេះ ជួយក្រុងប៉ោយប៉ែតដើម្បីចូលរួមក្នុងចលនាប្រលងប្រណាំងទីក្រុងស្អាតផងដែរ។
លោកសាន ស៊ានហូ និយាយទៀតថា៖ បរិស្ថាន គឺជាបញ្ហាប្រឈមដ៏ចំបងមួយ ដែលពិភពលោកកំពុងមានការព្រួយបារម្ភ និងយកចិត្តទុកដាក់យ៉ាងខ្លាំង បញ្ហាទាំងនោះរួមមាន កំណើនប្រជាជន កំណើនតម្រូវការ ការកាប់បំផ្លាញព្រៃឈើ ការបំពុលទឹក ការបំពុលខ្យល់ ការបំពុលដី ការបាត់បង់ជីវចម្រុះ និងភាពក្រីក្រជាដើម។
លោក ក៏បានអំពាវនាវដល់មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស ព្រះសង្ឃ ប្រជាពលរដ្ឋនិងអ្មកពាក់ព័ន្ធត្រូវចូលរួមក្នុងកិច្ចការពារបរិស្ថានតាមសមត្ថភាព លទ្ធភាព និងភារកិច្ចជំនាញរបស់ខ្លួន។
គួរបញ្ជាក់ថា មួយរយ:ពេលដែលលោកអភិបាលក្រុងថ្មីឡើងកាន់តំណែងពីថ្ងៃទី១១ ខែធ្នូ ឆ្នាំ២០១៧ កន្លងមកនេះ មានអាជីវករ សប្បុរសជនបានផ្តល់អំណោយធុងនិងធុងសម្រាមរាប់រយដល់រដ្ឋបាលក្រុងដើម្បីទុកដាក់សម្រាម។ ក្រុងប៉ោយប៉ែតមានភូមិសាស្ត្រ ប្រជាសាស្ត្រ និងរដ្ឋបាលមានលក្ខណ:ស្មុគ្រស្មាញជាងគេលើការចោលសម្រាមនិងបំពុលបរិស្ថាន អនាម័យដោយសារក្រុងនោះមានផ្ទៃដីតូច តែមនុស្សមានច្រើនដល់ជាង៧ម៉ឺននាក់។ មានការបំពុលបរិស្ថានពីក្រុមកាស៊ីណូ ពីផ្សាររោងក្លឿរបស់ប្រទេសថៃ ពីពលរដ្ឋនិងអ្នកពាក់ព័ន្ធនៅសំណង់និងប្លុកមិនរៀបរយ(អាណាធិបតេយ្យ)។
រីឯ ក្រុមហ៊ុនសម្អាតសម្រាមប៉ោយប៉ែតឃ្លីននើ(PoiPet Cleaner)ដែលទទួលសិទ្ធិធ្វើអាជីវកម្មនៅទីនោះ ក៏អសមត្ថភាពនិងមិនសូវទទួលខុសត្រូវលើការទទួលខុសត្រូវវិនិយោគរបស់ខ្លួនទៀត៕ ដោយ ៖ បន្ទាយ