ភ្នំពេញ ៖ រៀបចំដោយខេត្តកាងវ៉ុន នៃប្រទេសកូរ៉េខាងត្បូងលើកដំបូងបង្អស់!
១. របើកថ្មីនៃវិស័យទេសចរណ៍ និងការបន្សាយយុទ្ធសាស្ត្រទីផ្សារដើម្បីទាក់ទាញក្រុមហ៊ុនវិស័យទេសចរកម្ពុជា
២. ក្នុងកិច្ចសហប្រតិបត្តិការរបស់អង្គការទេសចរណ៍កូរ៉េ (KTO) ទីក្រុងកាងនឹង សួនស្គីកម្សាន្ត ភ្នាក់ងារទេសចរណ៍ជំនាញខេត្តកាងវ៉ុន និងកោះណាមី។
៣. កិច្ចប្រជុំរវាងអ្នកជំនួញផ្ទាល់ និងការធ្វើបទបង្ហាញស្តីអំពីដំណើរការនៃវិស័យទេសចរណ៍ដូចជា Korean Wave, DMZ peace tour និង Hello PyeongChang tour ដើម្បីធ្វើឲ្យវិស័យទេសចរណ៍រវាងកម្ពុជា និងកូរ៉េកាន់តែល្អប្រសើរ។
ពិធីបើកព្រឹត្តិការណ៍ទេសចរណ៍លើកទី ១ ក្រោមប្រធានបទ Gangwon Travel Mart 2019 បានធ្វើឡើងនៅយប់ថ្ងៃសុក្រ ១៣ រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣១ ខែឧសភា ឆ្នាំ២០១៩ នៅសណ្ឋាគារ NAGA WORLD HOTEL រាជធានីភ្នំពេញ។
ពិធីនេះ ក៏មានការអញ្ជើញចូលរួមពី លោក Chung Man Ho អភិបាលរងខេត្តកាងវ៉ុន នៃសាធារណរដ្ឋកូរ៉េ លោក គីម ច័ន្ទសាវុធ អនុប្រធានមន្ទីរទេសចរណ៍រាជធានីភ្នំពេញ និងមានការអញ្ជើញចូលរួមពី លោក លោកស្រី ភ្ញៀវកិត្តិយសជាតិ-អន្តរជាតិ។
ព្រឹត្តិការណ៍ទេសចរណ៍លើកទី ១នេះ គឺដើម្បីផ្សព្វផ្សាយ ពីសក្តានុពលទេសចរណ៍ របស់ខេត្តកាងវ៉ុន ព្រមទាំងពង្រឹងកិច្ចសហប្រតិបត្តិការ លើវិស័យទេសចរណ៍ខេត្តកាងវ៉ុន នៃសាធារណរដ្ឋកូរ៉េ ជាមួយព្រះរាជាណាចក្រកម្ពុជា ឲ្យកាន់តែស្អិតរមួតបន្ថែមទៀត។
ខេត្តកាងវ៉ុនកំពុងតែធ្វើការតាំងពិព័រណ៍ស្តីអំពីខេត្តកាងវ៉ុនដែលជាតំបន់កម្សាន្តប្រៀបដូចត្បូងពេជ្រជាលើកដំបូងបង្អស់នៅកម្ពុជាដោយមានការអញ្ជើញម្ចាស់ក្រុមហ៊ុនទេសចរណ៍ក្នុងស្រុក និងអ្នកសារព័ត៌មានមកចូលរួមក្នុងថ្ងៃ៣១ ខែឧសភា នៅឯសណ្ឋាគារណាហ្គាវើលក្នុងទីក្រុងភ្នំពេញ។
កម្មវិធីនេះនឹងមានបង្ហាញតំបន់ទេសចរទាក់ទាញមួយចំនួននៅទីក្រុងកាងនឹង ដែលជាកន្លែងប្រកួតកីឡាអូឡាំពិកក្នុងរដូវរងា សួនស្គីដ៏ល្បីល្បាញឈ្មោះ Alpensia រីសតយ៉ុងព្យ៉ុង រីសតHigh 1 និង White Hotel ព្រមទាំងកោះណាមីផងដែរ។
កម្មវិធីសន្និសិទកាសែតនេះ ប្រព្រឹត្តទៅនៅថ្ងៃទី៣១ឧសភា នៅសណ្ឋាគារណាហ្គាវើលនៅភ្នំពេញ រួមមានពិធីចុះហត្ថលេខាលើអនុស្សរណៈយោគយល់ជាមួយក្រុមហ៊ុន «Sense Journey Travel» និង «World Pop Travel» ដែលជាក្រុមហ៊ុនភ្នាក់ងារទេសចរណ៍ធំៗពីរនៅកម្ពុជា លើការផ្សព្វផ្សាយយុទ្ធសាស្ត្រទីផ្សារសកម្មរួមមួយដើម្បីបង្កើនចំនួនក្រុមហ៊ុនទេសចរណ៍ដែលផ្តល់អត្ថប្រយោជន៍កាន់តែច្រើនជូនដល់ភ្ញៀវទេសចរខ្មែរដែលមានបំណងទៅលេងខេតកាងវ៉ុននៅប្រទេសកូរ៉េខាងត្បូង។
រយៈពេលនៃដំណើរកម្សាន្តនេះរួមមានទាំងវគ្គជំនួបផ្ទាល់រវាងអ្នកជំនួញក្នុងវិស័យទេសចរណ៍នៅទីក្រុងភ្នំពេញ និងបេសកជនកូរ៉េដើម្បីធ្វើឲ្យដំណើរកម្សាន្តរបស់ភ្ញៀវទេសចរខ្មែរកាន់តែវិសេសវិសាលបំផុត។
កម្មវិធីនេះនឹងផ្តល់ជូនពិធីពិសាភោជនាហារដែលមានឈ្មោះថា ទេសចរណ៍រាត្រីខេត្តកាងវ៉ុន៖ Korea’s Hidden Treasure of Incentive Tour Destination។ កម្មវិធីនេះនឹងរួមមានការសម្តែង និងប្រគំតន្ត្រីប្រពៃណីស្រង់ចេញពីបទចម្រៀងក្នុងរឿងភាគកូរ៉េដ៏ល្បីល្បាញ ថែមទាំងការធ្វើបទបង្ហាញពីចំណុចពិសេសៗរបស់ខេត្តកាងវ៉ុន ដូចជាកិត្តិនាមជាខេត្តមួយប្រារព្ធការប្រកួតកីឡាអូឡាំពិក ដំណើរកម្សាន្ត DMZ កន្លែងថតភាពយន្តភាគរបស់កូរ៉េ និងកន្លែងទាក់ទាញជាច្រើនទៀត។
ខេត្តកាងវ៉ុនល្បីល្បាញដោយសារភាពស្រស់ស្អាត និងជាប់ចិត្តបំផុតក្នុងរដូវរងា។ ក្រោយពីបានរៀបចំប្រារព្ធកម្មវិធីប្រកួតអូឡាំពិកកាលពីឆ្នាំមុន តំបន់នេះត្រូវពិភពលោកទទួលស្គាល់ថាជាគោលដៅទេសចរខែធ្លាក់ព្រិលដ៏ល្អឥតខ្ចោះ ទាំងការទេសចរជាលក្ខណៈប្រវត្តិសាស្ត្រ វប្បធម៌ រួមទាំងការប្រកួតកីឡាតាមរដូវាកាលជាច្រើនស្ទើររាប់មិនអស់។
ខេត្តកាងវ៉ុន និងស្ថាប័នទេសចរកូរ៉េបានរៀបចំកញ្ចប់ដំណើរទេសចរជិះស្គីកម្សាន្តឈ្មោះថា «Fun Ski festival» នៅរីសតយ៉ុងព្យ៉ុង, «Go Go ski festivalនៅរីសត High 1)», «Korea International Ski camp នៅរីសត Aplensia»។ ដំណើរកម្សាន្តនេះមានរយៈពេល៣យប់៤ថ្ងៃ ដោយមានយុទ្ធសាស្ត្រទាក់ទាញភ្ញៀវទេសចរពីបណ្តាប្រទេសនៅអាស៊ីអាគ្នេយ៍ដែលមិនមានរដូវធ្លាក់ព្រិល។ កញ្ចប់ដំណើរកម្សាន្តជិះស្គីនេះបានលក់ដាច់ជាបន្តបន្ទាប់អស់រយៈពេលច្រើនជាង២០ឆ្នាំមកហើយ។
ទីក្រុងកាងនឹងដែលទើបនឹងចាប់ផ្តើមមានកេរ្តិ៍ឈ្មោះល្បីល្បាញដោយសារតែមានការថតភាពយន្តភាគឈ្មោះ «Goblin (Do Kke Bi)» រួមនឹងខ្សែរថភ្លើង KTX ថ្មីពីទីក្រុងសេអ៊ូលដែលបានធ្វើឲ្យភ្ញៀវអាចរីករាយជាមួយនឹងឆ្នេរសមុទ្រដ័ស្រស់ស្អាត និងវប្បធម៌កូរ៉េដែលនឹងចូលរួមក្នុងយុទ្ធនាការផ្សព្វផ្សាយពិធីបុណ្យកាហ្វេក្រុងកាងនឹងដែលនឹងប្រព្រឹត្តទៅខែតុលា។
White Hotel ដែលទើបនឹងសម្ភោធថ្មីៗនៅព្យឹងចាង រីឯកោះណាមីក្នុងក្រុងឈុនឈឹនខេត្តកាងវ៉ុនក៏នឹងចូលរួមក្នុងកម្មវិធីពិព័រណ៍នេះដើម្បីចូលរួមលើកកម្ពស់វិស័យទេសចរណ៍នៅកម្ពុជាផងដែរ។
ដោយសារតែមានកំណើននៃចរាចរណ៍ជំនួញពាណិជ្ជកម្ម និងការផ្លាស់ប្តូរវប្បធម៌រវាងកម្ពុជា និងកូរ៉េ មានការប៉ាន់ប្រមាណថានឹងមានកំណើនចំនួនភ្ញៀវទេសចរកម្ពុជាទៅកំសាន្តនៅប្រទេសកម្ពុជា។
បើយោងតាមអភិបាលរងខេត្តកាងវ៉ុន លោក ឈុង ម៉ាន់ហូ បានថ្លែងថា ៖ «ទីផ្សារវិស័យទេសចរណ៍ចល័តនៅកម្ពុជាឆ្នាំ២០១៩នឹងក្លាយជាឱកាសដ៏វិសេសវិសាលមួយដើម្បីផ្តល់ការទាក់ទាញដល់តំបន់ទេសចរជាច្រើននៅខេត្តកាងវ៉ុនមកកាន់ភ្នាក់ងារទេសចរកម្ពុជា យើងយើងបេ្តជ្ញានឹងប្រឹងប្រែងឲ្យអស់ពីលទ្ធភាពក្នុងរៀបចំយុទ្ធសាស្ត្រទីផ្សារដើម្បីទាញយកចំណាប់អារម្មណ៍របស់ភ្ញៀវទេសចរកម្ពុជាឲ្យបានកាន់តែច្រើនថែមទៀត៕» ដោយ៖កូឡាប