ភ្នំពេញ: អ្នកទិញអចលនទ្រព្យ នៅក្នុងប្រទេស កម្ពុជាកំពុងត្រូវបានលើកទឹកចិត្តឲ្យដាក់ឈ្មោះក្រុមហ៊ុនអចលនទ្រព្យថ្មីដែល ពួកគេពេញចិត្ត សម្រាប់ចូលរួមជាបេក្ខភាពក្នុងកម្មវិធីពានរង្វាន់អចលនទ្រព្យកម្ពុជា PropertyGuru ប្រចាំឆ្នាំលើកទី៤ ដែលនឹងត្រូវប្រកាសនៅក្នុងកម្មវិធី ពិសារអាហារពេលល្ងាច ដែលនឹងត្រូវរៀបចំឡើង យ៉ាងពិសេស នៅថ្ងៃសុក្រទី៣ ខែឧសភា ឆ្នាំ២០១៩ នៅសាលប្រជុំនៃសណ្ឋាគារ សូហ្វីតែល ភូគីត្រា ភ្នំពេញ។
កម្មវិធីនេះនាំមកជូនដោយ ក្រុមហ៊ុន Kohler សម្រាប់ការប្រកួតប្រជែងដ៏មានកិត្យានុភាព ដែលមានគោលបំណងអបអរសាទរ ការអភិវឌ្ឍអចលនទ្រព្យ, ការរចនា និងការច្នៃប្រឌិត នៅក្នុងវិស័យអចលនទ្រព្យ ដែលបានរីកចំរើនយ៉ាងឆាប់រហ័សក្នុងរយៈពេល៤ ឆ្នាំចុងក្រោយនេះ ជាមួយនឹងការចាប់អារម្មណ៍ ពីអ្នកវិនិយោគក្នុងស្រុកនិងក្រៅប្រទេស ដោយសារតែស្ថេរភាពនយោបាយ និងកំណើនសេដ្ឋកិច្ចជាតិប្រសើរឡើងនៅប្រទេសកម្ពុជា។
ការប្រកួតប្រជែងនៅក្នុងពានរង្វាន់ជាច្រើនផ្នែក បានបើកទទួលស្វាគមន៍សម្រាប់គម្រោងលំនៅដ្ឋាន នៅក្នុងរាជធានីភ្នំពេញ, ខេត្តសៀមរាប និងទីក្រុងព្រះសីហនុ ខណៈ ដែលពានរង្វាន់ផ្នែកពាណិជ្ជកម្មត្រូវបាន បើក សម្រាប់ផ្នែកការិយាល័យ, អាជីវកម្មលក់រាយ, សណ្ឋាគារ, ការប្រើលាយចំរុះ, សេវាផ្ទះជួល និងផ្នែកអភិវឌ្ឍន៍ឧស្សាហកម្ម។
លើសពីនេះទៀត គណៈកម្មការវិនិច្ឆ័យឯករាជ្យ ក៏កំពុងស្វែងរកបេក្ខភាពឈរឈ្មោះ សម្រាប់ពានរង្វាន់ ការអភិវឌ្ឈន៍ផ្នែកកម្សាន្តល្អបំផុត, ការអភិវឌ្ឍវិស័យអប់រំល្អបំផុត, ការអភិវឌ្ឍន៍ផ្នែកវេជ្ជសាស្ត្រល្អបំផុត និងពានរង្វាន់ការអភិវឌ្ឍន៍កន្លែងលេងល្បែងល្អបំផុត។ ពានរង្វាន់ប្រភេទថ្មី ត្រូវបានបន្ថែមចូល ដើម្បីឆ្លុះបញ្ចាំងពីការរីកលូតលាស់ នៅក្នុងផ្នែកពិសេសនៃវិស័យអចលនទ្រព្យ ។
ពានរង្វាន់ពិសេសប្រចាំឆ្នាំនេះ រួមមាន ពានរង្វាន់កិត្តិយស នៃទំនួលខុសត្រូវចំពោះសង្គមរបស់ក្រុមហ៊ុន(CSR),ការអភិវឌ្ឍ ប្រកបដោយចីរភាព, រចនានិងសំណង់, ការ សាងសង់សហគមន៍, ការថែទាំចំពោះអតិថិ ជន និងការអនុវត្តសំណង់ជាវិជ្ជមាន។ ពាន រង្វាន់ពិសេស នៃការផ្ដល់ជូនកន្លែងប្រើ ប្រាស់នៅទីធ្លាសាធារណៈ គឺបើកទូលាយដល់កន្លែង ឬគម្រោងហេដ្ឋារចនាសម្ព័ន្ធ ដែលដឹកនាំដោយវិស័យសាធារណៈ។
កាលបរិច្ឆេទសំខាន់ៗសម្រាប់ឆ្នាំ ២០១៩ មានដូចខាងក្រោមនេះ: ថ្ងៃទី៥ ខែវិច្ឆិកាឆ្នាំ ២០១៨ – ការជ្រើសរើសឲ្យឈរឈ្មោះ និងការចុះឈ្មោះ ចាប់ផ្ដើម។ថ្ងៃទី១ ខែមីនាឆ្នាំ ២០១៩ – ការជ្រើសរើសឲ្យឈរឈ្មោះ បិទបញ្ចប់។ថៃ្ងទី៨ ខែមីនា ២០១៩ – ការចុះឈ្មោះ បិទបញ្ចប់។ចាប់ពីថ្ងៃទី ២៥ ខែមីនា ដល់ថ្ងៃទី៥ ខែមេសាឆ្នាំ ២០១៩ – ការចុះត្រួតពិនិត្យដល់ទីតាំងផ្ទាល់។ ថ្ងៃទី៨ ខែមេសាឆ្នាំ២០១៩-ការវិនិច្ឆ័យចុងក្រោយ។ ថ្ងៃទី៣ ខែឧសភា ឆ្នាំ២០១៩ – ពិធីជប់លៀងអាហារពេលល្ងាច និងការផ្ដល់ពានរង្វាន់។
ភ្គួរជម្រេាបថាភ្ញៀវកិត្តិយសប្រមាណ ៤០០ នាក់បានចូលទស្សនាដោយផ្ទាល់នៅក្នុងរាត្រីនៃពិធីទទួលពានរង្វាន់អចលនទ្រព្យ កាលពីឆ្នាំ ២០១៨ ដែលក្នុងនោះរួមមានគណៈប្រតិភូដែលដឹកនាំដោយ លោក បណ្ឌិត ប៉ែន សុផល រដ្ឋលេខាធិការ នៃក្រសួងរៀបចំដែនដី នគរូបនីយកម្មនិងសំណង់ ដែលបានគាំទ្រដល់កម្មវិធីពានរង្វាន់អចល ន ទ្រព្យកម្ពុជា ចាប់តាំងពីការបង្ហាញខ្លួនជាលើកដំបូងនៅកម្ពុជាកាលពីឆ្នាំ ២០១៦។
សម្រាប់ឆ្នាំនេះ គណៈកម្មការវិនិច្ឆ័យឯករាជ្យ ត្រូវបានដឹកនាំដោយលោក ស៊ន សៀប ដែលជាស្ថាបនិក និងជានាយកប្រតិបត្តិរបស់ក្រុមហ៊ុនអចលនទ្រព្យ Key Real Estate។ ដំណើរការត្រួតពិនិត្យនៃការផ្តល់ពានរង្វាន់ និងដំណើរការវិនិច្ឆ័យ ត្រូវបានត្រួតពិនិត្យដោយក្រុមហ៊ុន BDO កម្ពុជា ដែលជាផ្នែកមួយនៃបណ្តាញសវនកម្ម និងគណនេយ្យធំបំផុតលើពិភពលោក។
កម្មវិធីពានរង្វាន់អចលនទ្រព្យកម្ពុជា PropertyGuru ឆ្នាំ២០១៩ ត្រូវបានទទួលការគាំទ្រដោយក្រុមហ៊ុន Kohler អ្នកឧបត្ថម្ភប្រភេទផ្លាទីន, ក្រុមហ៊ុនជណ្តើរយន្ត Hitachi អ្នកឧបត្ថម្ភប្រភេទមាស, ក្រុមហ៊ុនអាកាសចរណ៍ Emirates ជាដៃគូអាកាសចរណ៍ផ្លូវការ, PropertyGuru Property Report ជាទស្សនាវដ្តីផ្លូវការ, ដៃគូប្រព័ន្ធផ្សព្វផ្សាយ រួមមាន BizKhmer, ទស្សនាវដ្តីសំណង់ & អចលនទ្រព្យ, ម៉ាស្ទ័រមេឌា, Southeast Asia GLOBE និងក្រុមហ៊ុន BDO អ្នកគ្រប់គ្រងផ្លូវការ៕ ដោយ:កូឡាប