ជនជាតិហូឡង់ម្នាក់ ដែលត្រូវបានចាប់ខ្លួនជាចំណាប់ខ្មាំងដោយក្រុមសកម្មប្រយុទ្ធអ៊ីស្លាម Abu Sayyaf ក្នងប្រទេសភីលីពីន ត្រូវបានបាញ់សម្លាប់ ខណៈពេលដែលគាត់ព្យាយាមរត់គេចខ្លួន កំឡុងពេលមានការប្រយុទ្ធគ្នារវាងក្រុមសកម្មប្រយុទ្ធ និងទាហានភីលីពីន។
លោក Ewold Horn អាយុ ៥៩ឆ្នាំ ត្រូវបានក្រុមសកម្មប្រយុទ្ធអ៊ីស្លាមបាញ់សម្លាប់ ក្នុងកំឡុងពេលមានប្រតិបត្តិការរបស់ទាហ៊ានភីលីពីន ប្រឆាំងនឹងក្រុមនោះ នៅលើកោះ Jolo។
បុរសហូឡ់ងនោះ ដែលជាអ្នកថតរូប និងចូលចិត្តមើលបក្សី បានស្លាប់ក្នុងកំឡុងការប្រយុទ្ធគ្នាមានរយៈពេល ៩០នាទី។
ក្នុងប្រតិបត្តិការបាញ់គ្នានោះដែរ សមាជិករបស់ក្រុម Abu Sayyaf ចំនួន ៦នាក់បានស្លាប់។ នេះបើតាមការបញ្ជាករបស់ទាហ៊ានភីលីពីន។
ក្រសួងការបរទេសហូឡង់បានបញ្ជាក់ពីការស្លាប់ពលរដ្ឋរបស់ខ្លួន ហើយលោករដ្ឋមន្ត្រីការបរទេសហូឡង់ លោក Stef Blok ថ្លែងថាគាត់នឹងស្វែងរកការបញ្ជាក់លំអិត។
សូមបញ្ជាក់ថា ក្រុមសកម្មប្រយុទ្ធអ៊ីស្លាម Abu Sayyaf មានសកម្មភាពខ្លាំងចាំតាំងពីឆ្នាំ ១៩៩០មកម្លេះ។ ក្រុមនោះតូចទេ ប៉ុន្តែជាក្រុមមានសកម្មភាពហិង្សានៅក្នុងប្រទេសភីលីពីនភាគខាងត្បូង៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC