ស្ទឹងត្រែង ៖ កម្លាំងព្រហ្មទណ្ឌកំរិតស្រាល ស្នងការដ្ឋាននគរបាលខេត្តស្ទឹងត្រែង បានធ្វើការបង្ក្រាប ក្រុមក្មេងទំនើង ដែលតែងតែលបលួចអុកឡុកខេត្ត នៅយប់ថ្ងៃទី ០២ ខែ មិថុនា ឆ្នាំ ២០១៩ នៅវេលាម៉ោងប្រមាណជាង ០០និង២០នាទីរំលងអាធ្រាត្រ នៅចំណុចលើដងវិថីសួនច្បារក្នុងក្រុងស្ទឹងត្រែង ស្ថិតនៅភូមិត្រពាំងព្រីង សង្កាត់ស្ទឹងត្រែង ក្រុង/ខេត្តស្ទឹងត្រែង។
អនុវត្តន៍គោលនយោបាយភូមិឃុំមានសុវត្តិភាពនិងបានការសហការយ៉ាងល្អពីប្រជាពលរដ្ឋដែលបានផ្តល់ព័ត៌មានស្តីពីសកម្មភាពក្មេងទំនេីងមួយក្រុមដែលលបលួចធ្វេីកម្មភាពអុកឡុក បង្កចលាចលនៅពេលយប់អធ្រាត្រនៅក្រុងស្ទឹងត្រែង កម្លាំងការិយាល័យនគរបាលព្រហ្មទណ្ឌកំរិតស្រាល បានធ្វើការបង្ក្រាប ក្រុមក្មេងទំនើង ដែលតែងតែលបលួចអុកឡុក ដោយប្រេីប្រាស់អាវុធ(ដាវ-កាំបិត)បង្កចលាចលក្នុងក្រុងស្ទឹងត្រែងកាលពីថ្ងៃទី ១៩ ខែឧសភា ឆ្នាំ២០១៩ នៅភូមិកណ្តាល សង្កាត់ស្ទឹងត្រែង ក្រុងស្ទឹងត្រែង ។ ក្នុងប្រតិបត្តិការនោះយេីងបានធ្វេីការឃាត់ខ្លួនក្មេងទំនើងចំនួន ០៧នាក់ ៖
១/ ឈ្មោះ រ៉េត សុភ័ក្រ ភេទប្រុស អាយុ ២៣ឆ្នាំ
២/ឈ្មោះ រ៉ែម លាង ភេទប្រុស អាយុ ១៩ឆ្នាំ
៣/ ឈ្មោះ រ៉ែម សាក់ ភេទប្រុស អាយុ ១៤ ឆ្នាំ
៤/ឈ្មោះ យ៉ាន សៀងហំ ភេទប្រុស អាយុ ១៩ឆ្នាំ
៥/ឈ្មោះ ផៅ រុន ភេទប្រុស អាយុ ១៨ឆ្នាំ
៦/ឈ្មោះ ឈិន តុលា ភេទប្រុស អាយុ ១៩ឆ្នាំ
៧/ឈ្មោះ ឈា កំព្រា ភេទប្រុស អាយុ ១៥ឆ្នាំ
មុខរបរ កម្មករជាងសំណង់ មុខសញ្ញាខាងលើនេះ មួយចំនួនមកពីក្រៅខេត្ត និងមួយចំនួនទៀតមកពីតាមបណ្តាស្រុក ។
ក្នុងនោះសមត្ថកិច្ចយើងធ្វើការដកហូត ចង្ពាមកៅស៊ូ ( គ្រាប់ថ្ម , ស្នាប់ដៃ មួយ , ដាវមួយ ) នៅចំណុចសួនច្បារមុខសណ្ឋាគារអង្គរមាស ភូមិត្រពាំងព្រីង សង្កាត់ ក្រុង ខេត្ត ស្ទឹងត្រែង ។
បក្ខពួកក្រុមនេះ កាលពីថ្ងៃទី ១៩ ខែ ឧសភា ឆ្នាំ ២០១៩ វេលាម៉ោងប្រហែល១១ យប់ បានធ្វើសកម្មភាព វាយប្រហារគ្នាយ៉ាងអនាធិតេយ្យ តាមបណ្តោយផ្លួវលេខ ៥៧ ភូមិកណ្តាល សង្កាត់ ក្រុង ខេត្ត ស្ទឹងត្រែង ដែលបណ្តោយឲ្យប្រជាពលរដ្ឋធ្វើដំណើរតាមដងផ្លួវ ភ័យ ខ្លាច ។ ចំពោះក្រុមក្មេងទំនេីងទាំងអស់នេះ បច្ចុប្បន្នកម្លាំងជំនាញយេីង ខ្ញុំកំពុងកសាងសុំណុំរឿងតាមនីតិវិធីដេីម្បីបញ្ជូនទៅតុលាការផ្តន្ទាទោសតាមច្បាប់ ។
ស្នងការដ្ឋាននគរបាលខេត្តស្ទឹងត្រែងបានលើកឡើងថា ជាថ្មីម្តងទៀត ក្នុងនាមស្នងការដ្ឋាននគរបាលខេត្តស្ទឹងត្រែង សូមថ្លែងអំណរគុណយ៉ាងជ្រាលជ្រៅ ចំពោះប្រជាពលរដ្ឋនិងម្ចាស់ account Facebook Sous Pisey ដែលបានចូលរួមផ្តល់ ពត៍មានបានច្បាស់លាស់ធ្វេីអោយយើងខ្ញុំ ឈានដល់ការបង្ក្រាបបាន ទាំងស្រុងនៅក្រុមក្មេងទំនេីងទាំងអស់នោះ សកម្មភាពនេះជាការចូលរួម ចំណែកយ៉ាងល្អក្នុងការអនុវត្តន៍ គោលនយោបាយភូមិ/ឃុំមានសុវត្ថិភាព របស់រាជរដ្ឋាភិបាលយេីង។ យេីងខ្ញុំសូមលេីកទឹកចិត្តដល់បងប្អូន ប្រជាពលរដ្ឋយេីងទាំងអស់ពិសេស បងប្អូនប្រជាពលរដ្ឋខេត្តស្ទឹងត្រែង សូមចូលរួមផ្តល់ពត៌មាននៅរាល់ សកម្មភាពអសកម្មផ្សេងៗ ដេីម្បីកម្លាំងយេីងខ្ញុំធ្វេីការទប់ស្កាត់ និងបង្ក្រាបបានទាន់ពេលវេលា រក្សាសន្តិសុខ សណ្តាប់ធ្នាប់ សុវត្ថិភាពជូនប្រជាពលរដ្ឋយេីង ៕ ដោយ៖កូឡាប