រាជធានីភ្នំពេញ ៖ បុរសម្នាក់បានចូលទៅធ្វើសកម្មភាពចាប់ច្របាច់កស្ត្រីម្នាក់ដល់ក្នុងបន្ទប់ជួល ដែលនាងស្នាក់នៅ រួចហើយប្រើម្រាមដៃលូកចូលប្រដាប់ភេទរបស់នាង ក្នុងបំណងរំលោភសេពសន្ថវៈ។ ប៉ុន្តែមិនបានសម្រេចផង នាងស្រែកឲ្យអ្នកជិតខាងជួយ បង្កការភ្ញាក់ផ្អើលទាំងថ្ងៃ។ បន្ទាប់មកលោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានបញ្ជាកម្លាំងឲ្យចុះទៅអន្តរាគមន៍ដើម្បីឃាត់ខ្លួនជននេះភ្លាមៗ ។
ហេតុការណ៍នោះ បានកើតឡើង កាលពីវេលាម៉ោង៣ និង២០នាទីរសៀល ថ្ងៃទី៥ ខែមិថុនា ឆ្នាំ២០១៩ នៅចំណុចបន្ទប់ជួល ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។ ជនសង្ស័យឈ្មោះ រស់ នៅ អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ក្នុងភូមិកើតហេតុខាងលើ ហើយនគរបាលបានដកហូតកាំបិតបុ័ងតោ១ពីជនសង្ស័យផងដែរ។ ដោយឡែកស្ត្រីរងគ្រោះអាយុ២០ឆ្នាំ ជនជាតិខ្មែរ ស្នាក់នៅបន្ទប់ផ្ទះជួលកើតហេតុ។
នគរបាលបានឲ្យដឹងថា នៅមុនពេលកើតហេតុ ខណៈដែលនាងរងគ្រោះកំពុងបោសសម្អាតនៅក្នុងបន្ទប់ដែលនាងជួលស្នាក់នៅ ស្រាប់តែជនសង្ស័យខាងលើ បានស្ទុះចូលទៅចាប់ច្របាច់ករបស់នាង រួចហើយរុញទ្វារបិទ បន្ទាប់មកយកដៃស្ដាំលូកប្រដាប់ភេទរបស់នាង។ ប៉ុន្តែពេលនោះលូកមិនចូលដល់ទីជម្រៅឡើយ ដោយសារតែជនរងគ្រោះស្លៀកខោជើងវែងតឹងពេក ហើយជននោះលូកបានត្រឹមតែខាងក្រៅៗប៉ុណ្ណោះ ហើយនាងរងគ្រោះបានព្យាយាមចាប់បេះដៃ ជននេះចេញ មិនតែប៉ុណ្ណោះខណៈនោះនាងមិនអាចស្រែករួចទេ ព្រោះជននេះបានច្របាច់កជាប់ ហើយនាងបានត្រឹមតែរើបម្រះប៉ុណ្ណោះតែក៏រើមិនរួចដែរ។
ប្រភពដដែលបានបន្តថា ក្រោយមកជនសង្ស័យ ក៏បានច្រានផ្ដួលនាងទៅលើឥដ្ឋការ៉ូ ហើយយកដៃស្ដាំលូកប្រដាប់ភេទម្ដងទៀតរហូតដល់ទីជម្រៅ និងបម្រុងរំលោភសេពសន្ថវៈទៅហើយ ប៉ុន្តែសំណាងល្អនាងបានខំរើបម្រះ និងស្រែកឲ្យអ្នកជិតខាងជួយ ជាហេតុបង្កការភ្ញាក់ផ្អើលទាំងថ្ងៃ។ ប៉ុន្តែមុនពេលអ្នកជិតខាងទៅដល់ជនសង្ស័យខាងលើក៏បានទាត់នាង ១ជើង ត្រូវចំក្បាលផ្នែកខាងក្រោយបណ្ដាលឲ្យរងរបួសពកមួយកន្លែង។ បន្ទាប់ទទួលបានដំណឹងនោះហើយ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានបញ្ជាកម្លាំងនគរបាលប៉ុស្តិ៍ ឲ្យចុះទៅកាន់កន្លែងកើតហេតុដើម្បីអន្ដរាគមន៍ចាប់ខ្លួនជនសង្ស័យ។
ប៉ុន្តែពេលទៅដល់ជននេះ មិនបានខ្លាចនគរបាលឡើយ និងបានទាញកាំបិតបុ័ងតោពីចង្កេះខាងឆ្វេងកាន់ក្នុងដៃ ហើយស្រែកគំរាមកាប់សម្លាប់កងកម្លាំងនគរបាលមិនឲ្យចូលទៅចាប់ខ្លួនឡើយ។ នគរបាលបានបញ្ជាក់ទៀតថា ដោយមិនអាចបណ្ដោយឲ្យជននេះធ្វើអ្វីៗតាមតែអំពើចិត្តបាននោះ ទើបកម្លាំងស្ទុះចូលទៅធ្វើការប្រតាយប្រតប់ជាមួយជនសង្ស័យ ទើបចាប់ខ្លួន បានរួចបាននាំទៅធ្វើការសាកសួរនៅប៉ុស្ដិ៍នគរបាលរដ្ឋបាលដង្កោ ដើម្បីកសាងសំណុំរឿង ចាត់ការតាមច្បាប់។
ក្រោយពេលចាប់ខ្លួនជនសង្ស័យបានសារភាពថាខ្លួន ពិតជាបានធ្វើសកម្មភាពច្របាច់ក យកដៃលូកប្រដាប់ភេទស្ត្រីរងគ្រោះពិតមែន ដោយខ្លួនមានបំណងចាប់ចាប់រំលោភនាង ប៉ុន្តែត្រូវនាងស្រែកបង្កឲ្យមានការភ្ញាក់ផ្អើល ៕ ដោយ៖បញ្ញាស័ក្តិ
