កំពង់ស្ពឺ ៖ ផែនការងារប្រឆាំងគ្រឿងញៀន សហការជាមួយមន្ទីរប្រឆាំងគ្រឿងញៀន បង្ក្រាបមុខសញ្ញាសង្ស័យ និងជាមេក្លោងពាក់ព័ន្ធករណីជួញដូរ សារធាតុញៀនខុសច្បាប់ នៅក្នុងទឹកដីស្រុកសំរោងទង ខេត្តកំពង់ស្ពឺ ចំនួន ៦នាក់ ។
កាលពីវេលាម៉ោង ១៤និង៣០នាទី ថ្ងៃទី០៥ ខែមិ ថុនា ឆ្នាំ២០១៩ ផែនការងារប្រឆាំងគ្រឿងញៀន សហការជាមួយមន្ទីរប្រឆាំងគ្រឿងញៀន ការិយាល័យក៩បង្ក្រាប មុខសញ្ញាជួញដូរគ្រឿងញៀន (មេក្លោង) នៅចំណុចភូមិចំបក់ ឃុំវល្លិស ស្រុកសំរោងទង ឃាត់មុខសញ្ញាសង្ស័យពាក់ព័ន្ធគ្រឿងញៀនបានចំនួន ៦នាក់ ប្រុស ៖ ១-ឈ្មោះ សោម សាវ័ន្ត(តឿ) ប្រុស អាយុ ៣៣ឆ្នាំម្ចាស់ផ្ទះ ២-ឈ្មោះ ឈៀង នីន ប្រុស អាយុ៣១ ឆ្នាំ នៅភូមិចំបក់ ឃុំវល្លិស ស្រុកសំរោងទង ៣-ឈ្មោះ វ៉ាន់ សុភក្តិ ប្រុស អាយុ ៣៨ឆ្នាំ នៅភូមិថ្លុកឈើទាល សង្កាត់សុព័រទេព ក្រុង ច្បារមន ៤-ឈ្មោះ ប៊ុន ប៉ូឡុង ប្រុស អាយុ ២៥ឆ្នាំ នៅភូមិត្រាចជ្រុំ សង្កាត់សុព័រទេព ក្រុងច្បារមន ៥-ឈ្មោះ ហឿន ឬទ្ធី ប្រុស អាយុ ២១ឆ្នាំ នៅភូមិក្រាំងស្វាយ ឃុំរលាំង គ្រើល ស្រុកសំរោងទង ៦-ឈ្មោះ ជួន យី ប្រុស អាយុ ៣៥ឆ្នាំ នៅភូមិព្រៃផ្តៅ ឃុំត្រពាំងគង ស្រុកសំរោងទង។
តាមការអះអាងរបស់មន្ដ្រីដែលបានចូលរួមក្នុងប្រតិបត្តិការបានបញ្ជាក់អោយដឹងថាមុខសញ្ញាសង្ស័យទាំង ៦នាក់ មានមុខសញ្ញាម្នាក់ជាមុខសញ្ញាចាស់ដែលជាមេក្លោង ក្នុងប្រតិបត្តិការខាងលើនេះ គឺសមត្ថកិច្ចធ្វើការដកហូតម្សៅក្រាមពណ៌សថ្លាសង្ស័យជាគ្រឿងញៀន ០១ ថង់, ជញ្ជីងថ្លឹង ០១ គ្រឿង . ដាវ២ . ម៉ូតូចម្រុះ ០៨ គ្រឿង.រថយន្ដ ០១គ្រឿង , មាន់ជល់ចិញ្ចឹមទុក ចំនួន ៧១ ក្បាល,រួមនឹងឧបករណ៍សម្រាប់ប្រើប្រាស់ វេចខ្ចប់គ្រឿងញៀនមួយចំនួនធំ។
កិច្ចប្រតិបត្តិការដោយមានការសម្របសម្រួលពីលោក ជំទាវ ចាត សូរស្មី ព្រះរាជអាជ្ញា អយ្យការអមសាលាដំបូងខេត្ដកំពង់ស្ពឺ បានសំរេចអនុញ្ញាតិ ឲ្យយកវត្ថុតាងរួមមាន ម៉ូតូចំរុះម៉ាក ០៨ គ្រឿងនិងសត្វមាន់ជល់៧១ ក្បាលយកមករក្សាទុកបណ្ដោះអាសន្ននៅ អធិការដ្ឋាននគរបាលស្រុកសំរោងទង ចំណែកជនសង្ស័យ ៥នាក់ បញ្ជូនមកសាកសួរនៅការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ដ ដើម្បីកសាងសំណុំរឿង ចាត់ការតាមនីតិវិធីច្បាប់ រីឯឈ្មោះ សោម សាវ័ន្ត(តឿ )ជាមេក្លោងត្រូវបញ្ជូន ទៅកាន់មន្ទីរប្រឆាំងគ្រឿងញៀន ដេីម្បីបន្ដនីតិវិធី៕ ដោយ ៖ កូឡាប
