ក្រុមហ៊ុនបច្ចេកវិទ្យាយក្សរបស់ចិន Huawei នៅថ្ងៃពុធម្សិលមិញនេះ បានចុះកិច្ចព្រមព្រៀងជាមួយនឹងក្រុមហ៊ុនទូរគនាគមន៍រុស្សី MTS ដើម្បីធ្វើការអភិវឌ្ឍន៍បច្ចេកវិទ្យា 5G ក្នុងប្រទេសរុស្សីនៅឆ្នាំខាងមុខ។
កិច្ចព្រមព្រៀងត្រូវបានចុះហត្ថលេខាក្រៅកិច្ចប្រជុំ រវាងមេដឹកនាំចិន Xi Jinping និងមេដឹកនាំរុស្សី
Vladimir Putin នៅទីក្រុងមូស្គូ។
បើតាមសេចក្តីប្រកាសរបស់ MTS បច្ចេកវិទ្យានោះនឹងលេខខ្លួនឡើងក្នុងប្រទេសរុស្សីចន្លោះឆ្នាំ ២០១៩ និង ២០២០។
សូមបញ្ជាក់ថា ក្រុមហ៊ុន Huawei ក្នុងរយៈពេលប៉ុន្មានខែចុងក្រោយនេះ បានជួបព្យុះភ្លៀងជាខ្លាំង ក្រោយពេលប្រធានាធិបតីអាមេរិច ដូណាល់ ត្រាំ បានប្រកាសមិនឲ្យក្រុមហ៊ុនអាមេរិចទាំងអស់លក់បច្ចេកវិទ្យាទៅអោយក្រុមហ៊ុនចិនមួយនោះ ដោយមានការសង្ស័យពីការធ្វើចារកម្មរបស់ទីក្រុងប៉េកាំង។
ក្រុមហ៊ុនធំៗរបស់អាមេរិចបានដកខ្លួនចេញពី Huawei រួមមានក្រុមហ៊ុន Google ជាដើម៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia