អ្នកគ្រូបង្រៀននៅវិទ្យាល័យមួយស្ថិតក្នុងរដ្ឋ តិចសាស ដែលបានបង្ហោះសារប្រឆាំងនឹងជនអន្តោប្រវេសន៍ ត្រូវបានគេបណ្តេញចេញ ក្រោយពេលគាត់បានស្នើសុំឲ្យប្រធានាធិបតីអាមេរិច ដូណាល់ ត្រាំ បណ្តេញសិស្សសាលាដែលគ្មានឯកសារគ្រប់គ្រាន់ត្រឡប់ទៅប្រទេសដើមវិញ។
អ្នកគ្រូនោះមានឈ្មោះថា Georgia Clark។ គាត់បានបង្ហោះសារជាច្រើននៅលើ Twiter ដូច្នេះថា “សម្រាប់នៅសាលា Fort Worth Independent Schoo មានសិស្សខុសច្បាប់ជាច្រើនមកពីប្រទេស មិចស៊ិច”។
អ្នកគ្រូថ្លែងទៀតថា “ខ្ញុំពិតត្រូវការឲ្យគេទាក់ទងមកទីនេះ ដើម្បីឲ្យមានអ្នកស៊ើបអង្កេត និងដកចេញសិស្សខុសច្បាប់អោយអស់ចេញពីប្រព័ន្ធសាលាសាធារណៈ”។
ជុំវិញការថ្លែងប្រឆាំងនឹងសិស្សអន្តោប្រវេសន៍បែបនោះ សមាជិកក្រុមប្រឹក្សាសាលាបានសំដែងការប្រឆាំងយ៉ាងខ្លាំងទៅនឹងការបង្ហោះរបស់អ្នកគ្រូ ហើយក្រុមប្រឹក្សាសាលាបានបោះឆ្នោតជាឯកច្ឆ័នដកគាត់ចេញពីសាលាតែម្តង។
សូមបញ្ជាក់ថា អ្នកគ្រូ Georgia Clark បានបង្រៀននៅវិទ្យាល័យនោះចាប់តាំងពីឆ្នាំ ១៩៩៨មកម្លេះ៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN