ប្រទេសចិនបានផ្ញើសារទៅកាន់ប្រជាពលរដ្ឋរបស់ខ្លួនថា “អាមេរិចគឺជាបិសាច ដូច្នេះចូរកុំទៅទីនោះ”។
នៅប៉ុន្មានថ្ងៃមុន ចិនធ្លាប់បានចេញសារប្រាប់ដល់ប្រជាជន ព្រមទាំងសិស្សរបស់ខ្លួនដែលកំពុងធ្វើដំណើរទៅកាន់អាមេរិច ឲ្យមានការប្រុងប្រយ័ត្នខ្ពស់ ដោយបញ្ជាក់ប្រាប់ពីការរណីបាញ់ប្រហារកើតឡើងនៅអាមេរិចជាច្រើន ព្រមទាំងអំពើចោរកម្មផងដែរ។
នៅថ្ងៃអង្គារជាមួយគ្នាដែរ ក្រសួងការបរទេសចិន ព្រមទាំងស្ថានទូត និងកុងស៊ុលនៅក្នុងអាមេរិច បានចេញសេចក្តីប្រកាសឲ្យពលរដ្ឋខ្លួនមានការប្រុងប្រយ័ត្ន ដោយធ្វើការចោទប្រកាន់ថា មន្ត្រីអនុវត្តច្បាប់របស់អាមេរិចអាចនឹងធ្វើការយាយីដល់ប្រជាជនចិន។
សូមបញ្ជាក់ថា បច្ចុប្បន្នមហាអំណាចសេដ្ឋកិច្ចទាំងពីរកំពុងតែធ្វើសង្គ្រាមពាណិជ្ជកម្មដាក់គ្នា ដោយការដំឡើងពន្ធដាក់គ្នាទៅវិញទៅមក។
រដ្ឋបាលលោកដូណាល់ ត្រាំ បានដំឡើងពន្ធពី ១០ភាគរយ ទៅដល់ ២៥ភាគរយ សម្រាប់ទំនិញនាំចូលពីចិន ដែលមានតម្លៃជាទឹកប្រាក់ ២០០ពាន់លានដុល្លារ និងគំរាមដំឡើងពន្ធលើមុខទំនិញផ្សេងៗទៀតរបស់ចិន។
ចំណែកចិនវិញ ក៏នឹងធ្វើការសងសឹកវិញដែរ ដោយខ្លួនបានប្រកាសដំឡើងពន្ធលើផលិតផលនាំចូលពីអាមេរិចដែលមានទំហំទឹកប្រាក់ចំនួន ៦០ពាន់លានដុល្លារកាលពីដើមខែនេះ និងព្រមចាត់វិធានការផ្សេងៗទៀងផងដែរប្រឆាំងអាមេរិច៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN
