តាកែវ ៖ ប្រធានក្រុមការងារចុះជួយឃុំភ្នំដិន ឯកឧត្តម សុខ សំណាង បានថ្លែងថា “ នំ បញ្ចុក ” គឺជាអាហារ ដ៏ ពេញនិយមមួយ របស់បងប្អូនប្រជាពលរដ្ឋខ្មែរ តាំងពីយូរលង់ណាស់មកហើយ ។ វាគឺជា អាហារ តំណាងអត្តសញ្ញាណជាតិខ្មែរ សាមគ្គីភាព និង ឯកភាពជាតិ តែមួយ ។ បើយោងទៅតាមដំណាលតៗ គ្នាមក “ នំ បញ្ចុក ” មានប្រភព កើតចេញពី គ្រួសារ អ្នកស្រែ ពីរនាក់ ប្តី ប្រពន្ធ ដែលធ្វើស្រែស្រូវ ។
ហើយក្នុងថ្ងៃទី ០៩ ខែមិថុនា ឆ្នាំ ២០១៩នេះ ជាថ្ងៃរីករាយមួយដែលយើងបាន ពិសារនំបញ្ចុកតេជោសន្តិភាព និងឯកភាពជាតិជួបជុំគ្នា ដូច្នេះបងប្អូនប្រជាពលរដ្ឋទាំងអស់ដែលកំពុងរស់នៅក្នុឃុំភ្នំដិន ស្រុកគីរីវង់នេះ សូមអញ្ជើញចូលរួម ពិសារទាំងអស់គ្នាដើម្បីបង្ហាញពីសាមគ្គីភាព និងឯកភាពជាតិខ្មែរ តែមួយជារបស់យើងអោយមានភាពសប្បាយរីករាយជាមួយគ្នា និងរាំកំសាន្តលេងផងដែរ ។
ក្រោយពីការនិយាយពីប្រវត្តិនំបញ្ចុកប្រាប់ដល់បងប្អូនប្រជាពលរដ្ឋរួច ឯកឧត្តម សុខ សំណាង ប្រធានក្រុមការងារចុះជួយឃុំភ្នំដិន បានលើកឡើងពីគុណសម្បត្តិរបស់គណបក្សប្រជាជនកម្ពុជា ដែលគណបក្សបានជួយអោយប្រទេសជាតិរបស់យើងមានសុខសន្តិភាព មានស្ថេរភាព ធ្វើអោយបងប្អូនប្រជាពលរដ្ឋទាំងអស់មានការជួបជុំគ្រួសារគ្នាវិញ បង្កើតនូវភាពសប្បាយរាយជាមួយគ្នាយ៉ាងមានសុភមង្គលបំផុត ។
ក្នុងការអញ្ជើញចូលរួមហូបនំបញ្ចុកតេជោសន្តិភាព នៅឃុំភ្នំដិន ស្រុកគីរីវង់ ខេត្តតាកែវនេះដែរមានការអញ្ជើញចូលរួមពីបងប្អូនប្រជាពលរដ្ឋ ជាច្រើននាក់ និងក្រុមការងាររបស់គណបក្សប្រជាជនកម្ពុជាចុះជួយឃុំ ទាំងអស់ ចំនួន ១ពាន់នាក់ ។ តាកែវ
