ប្រជាជនហុងកុងរាប់សែននាក់ បានធ្វើការហែរក្បួនកាលពីថ្ងៃអាទិត្យម្សិលមិញនេះ ដើម្បីសម្តែងការតវ៉ាប្រឆាំងទៅនឹងច្បាប់ធ្វើបត្យាប័ន ដែលអ្នករិះគន់បានសម្តែងការព្រួយបារម្ភថា ច្បាប់នោះអាចឲ្យចិន ដាក់សម្ពាធនៅលើគូបដិបក្សរបស់ខ្លួននៅក្នុងទឹកដីហុងកុង។ នេះបើតាមការចុះផ្សាយរបស់ BBC ។
សេចក្តីព្រាងច្បាប់ធ្វើបត្យាប័នដ៏ចម្រូងចម្រាស់ នឹងមានការអនុញ្ញាតឲ្យបញ្ជូនជនសង្ស័យទៅកាន់ប្រទេសចិនដើម្បីធ្វើការកាត់ក្តី។
អ្នករៀបចំការតវ៉ា បាននិយាយថា មានមនុស្ស ១លាននាក់ បានធ្វើការហែរក្បួនដ៏ធំបំផុតដែលមិនធ្លាប់មានក្នុងរយៈពេល ២០ឆ្នាំចុងក្រោយ។ ប៉ូលីសបញ្ជាក់ថា មានអ្នកតវ៉ាជិត ២៥០.០០០នាក់។
ក្រោយពេលមានការដើរហែរក្បួនចប់ មានផ្ទុះការប៉ះទង្គិចគ្នារវាងអ្នកតវ៉ារាប់រយនាក់ ជាមួយនឹងប៉ូលីស។
អ្នកតវ៉ាជាច្រើនបានព្យាយាមសម្រុកចូលអាគារក្រុមប្រឹក្សាច្បាប់ ដោយបានបោះរបាំងដែលប៉ូលីសរប៉ាត់រប៉ាយ ហើយប៉ូលីសបានប្រើប្រាស់ដំបូង និងស្ព្រៃយ៍បាញ់។
អ្នករិះគន់ បាននិយាយថា សេចក្តីព្រាងច្បាប់នោះ នឹងត្រូវបានគេដាក់ក្រោមប្រព័ន្ធយុត្តិធ៌មចិន ដែលវានឹងធ្វើឲ្យមានការបាត់បង់ឯករាជ្យភាពរបស់ប្រព័ន្ធច្បាប់របស់ទីក្រុងហុងកុង៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC