អ្នកតវ៉ា និងប៉ូលីសរាប់ពាន់នាក់កំពុងប្រឈមមុខដាក់គ្នា ខណៈដែលការតវ៉ាប្រឆាំងនឹងសេចក្តីព្រាងច្បាប់ដែលអនុញ្ញាតឲ្យមានការធ្វើបត្យាប័នអ្នកទោសទៅចិន កំពុងកើនឡើងយ៉ាងខ្លាំង។
នៅព្រឹកថ្ងៃពុធនេះ អ្នកតវ៉ាជាច្រើន ដែលមានពាក់ម៉ាស់យ៉ាងច្រើន បានធ្វើការបិទផ្លូវសំខាន់ៗជាច្រើន នៅជុំវិញអាគាររដ្ឋាភិបាល។
ប៉ូលីសបង្ក្រាបកុប្បកម្ម បានធ្វើការឆ្លើយតបដោយការបាញ់ម្សៅម្រេចទៅលើក្រុមបាតុករ ដើម្បីបំពែកពួកគេ ហើយប៉ូលីសបញ្ជាក់ថាពួកគេត្រៀមខ្លួនរួចរាល់ដើម្បីប្រើកម្លាំង។
ក្រុមប្រឹក្សាច្បាប់ ឥឡូវនេះបានធ្វើការពន្យាពេលអានសេចក្តីព្រាងច្បាប់ដ៏ចម្រូងចម្រាស់នោះ។
ក្រុមប្រឹក្សាច្បាប់ដែលគាំទ្ររដ្ឋាភិបាលក្រុងប៉េកាំង បានសេចក្តីថ្លែងការណ៍នៅថ្ងៃពុធនេះ ដោយធ្វើការបញ្ជាក់ថា ការជួបប្រជុំដែលគ្រោងធ្វើនៅម៉ោង ១១ព្រឹកថ្ងៃពុធនេះ ត្រូវដូរពេលទៅថ្ងៃក្រោយវិញ។
បើទោះបីជាមានការតវ៉ាទូទាំងហុងកុង រដ្ឋាភិបាលបាននិយាយថា ខ្លួននឹងនៅតែបន្តជំរុញឲ្យមានច្បាប់ធ្វើបត្យាប័ននោះ។
ប្រព័ន្ធផ្សព្វផ្សាយហុងកុងបាននិយាយថា ការបោះឆ្នោតចុងក្រោយអាចនឹងត្រូវធ្វើនៅថ្ងៃទី ២០ ខែមិថុនានេះ ហើយក្រុមប្រឹក្សាច្បាប់ត្រូវគេរំពឹងថានឹងធ្វើការអនុម័តច្បាប់នោះ។
បើច្បាប់នោះត្រូវបានអនុម័ត វានឹងមានការអនុញ្ញាតិឲ្យបញ្ជូនជនសង្ស័យនៅទីក្រុងហុងកុង ទៅកាន់ប្រទេសចិនដើម្បីធ្វើការកាត់ទោស៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
